剛果河為界，一邊法屬一邊比屬，兩地首府亦做邊界，法屬首府布拉柴維爾，比屬首府利奧波德維爾，非洲著名狂人之一蒙博托受到美國CIA支持，先政變接管佐盧蒙巴既勢力，盧蒙巴出逃首都之後被綁架，最後被片中分離勢力個領導者Moise Kapenda Tshombe殺佐。 （片頭劇情）1965年蒙博托推翻佐總統卡薩布武，之後改佐佢首都名做金沙薩，國名一度改做扎伊爾共和國。
94年盧旺達大屠殺之後，蒙博托因為自己都討厭圖西族人，因而收留盧旺達流亡去扎伊爾既胡圖族武裝份子，仲支持佢地同盧旺達圖西族政府武裝衝突，96年發布驅逐境內圖西族人命令，引發扎依爾境內圖西族人武裝對抗。流亡外國既盧蒙巴門生卡比拉乘勢拉埋盧旺達、烏干達、布隆迪三國組成聯軍推翻蒙博托，蒙博托流亡……扎伊爾又叫返剛果。
但和平日子點會咁快到？卡比拉請神容易送神難……無耐卡比拉同國內班圖西族人又反面，三國聯軍又一次攻入剛果，而卡比拉又請佐安哥拉、津巴布韋、納米比亞、乍得、蘇丹幾個國家起剛果領土上打佐場非洲世界大戰……
2001年卡比拉遇刺身亡，但佢生前通過一個法案，佢個政黨係唯一合法進行政治活動政黨，並且剛果議會為佐佢個仔可以繼位，將候選人法定最低年齡由35改到30… …
2006年，剛果第一次民選總統選舉，聯合國俾錢同派人監票，使佐四億幾老美，萬幾個維和部隊睇住。但宣布結果之後民眾未黎得切開P慶祝……總統細卡比拉同副總統各自既私兵同支持者又爆發內戰……
1993年到2003年 尼度死佐350萬人……2010年去到500萬
[ 本帖最後由 Hamlet 於 5-12-2016 17:43 編輯 ]
