回覆 7# 的帖子
當時埃及轉碼頭，蘇械轉美械空窗期，蘇貨零件斷絕，美貨未到。跟住大陸用一批J-7同J-6（米格19）換佐一批武器返去做「樣版」返去包括米格21MF（截擊型頭錐加大裝雷達）、米格23MS、SA-6地對空導彈。
米格21MF後來被仿製成J7III，係J-8之前大陸空軍唯一用於高空高速截擊用途戰機，性能不佳產量少⋯⋯
米格23MS個R27引擎被拉去仿製冠以「渦噴十五」，一度被選中做J-10配套引擎，其後終止開發，佢個可變翼結構被江西洪都飛機公司用於「強-6」攻擊機開發案，但該型號亦被終止，部米格23最後被送去北京航空博物館修復展出。
SA-6地對空導彈當時大陸攞返去想仿製，但經過測試，發現佢個衝壓式火箭引擎如果用於地對空用途，引擎會因為高度越高而推進效率下降尼個嚴重缺陷，因而放棄仿製，而學到既衝壓引擎技術被用於對艦導彈上面去。
