Hamlet

————————————————————————————————————————————————————————————————————————————————————————————————————

475107-2.jpg (47.33 KB)

15-12-2016 03:47

20161215034616.jpg (45.19 KB)

15-12-2016 03:46

[ 本帖最後由 Hamlet 於 15-12-2016 03:47 編輯 ]

Hamlet

引用:

原帖由 loveless 於 15-12-2016 01:00 發表
百幾年前帝國主義反而真係會賣最新既軍備俾你

同算係二手貨的和泉號比較，致遠好似只係裝甲較薄？

當時英國佬都係有種搵清朝同日本做實驗白老鼠既意思，當時正直係軍艦設計同海戰戰術個變革期，由清朝最早買“超勇”“揚威”（英國設計師倫道爾設計既穹甲巡洋艦Armour Deck Cruiser）開始，跟住日本人買既“浪速”“秋津洲”進化版，到“致遠”“靖遠”又要完善一D，最後俾日本買走既“吉野”“高砂”就係完全版。

你講既“和泉”記得應該係“揚威”同型放大版，日本仲有隻“筑紫”都係“揚威”同款，“致遠”個裝甲要厚過“和泉”
清朝同德國人買既“濟遠”就係德國人第一款穹甲巡洋艦，亦係一種用人地錢做試驗既味道

尼種艦主要都係用黎破壞敵國海上交通線（或反破交）同偷襲海岸用多，裝甲厚度意義唔大，睇航速。

[ 本帖最後由 Hamlet 於 15-12-2016 01:52 編輯 ]

Hamlet

引用:

原帖由 jn_jona 於 15-12-2016 01:43 發表
中國果時排水量計好似係亞洲最強
可惜指揮不當 彈藥唔齊

近年有人指出，慈禧太后其實係食佐隻死貓，修葺頤和園係用海軍衙門辦公費，真正導致北洋海軍無錢維護更新既元兇係李鴻章個死對頭翁同龢（戶部尚書兼軍機大臣兼光緒帝老師），上書要求“停購船械”限制北洋水師軍費，買唔到靚煤做燃料、買唔到來佬炮彈（當時祗有製造實心彈同填沙練習彈能力），俾佐訂既船無錢俾尾數（吉野號）。

Hamlet

引用:

原帖由 Lolanto 於 15-12-2016 02:03 發表
後勤唔掂，隻隻打完黃海返到旅順冇得維修，坐晒係到等比人俘虜

李鴻章個意思係死守基地做存在艦隊，但陸軍打得仲衰多二錢重，海岸炮台俾日本軍佔領埋……俾人兜埋後路。

其實旅順基地個陸地防禦不足亦係經費問題⋯⋯同原先德國專家設定個計畫差緊幾皮。到俄國人佔領旅順之後先完善返亦令到日本人付出巨大代價先攻陷。

[ 本帖最後由 Hamlet 於 15-12-2016 02:22 編輯 ]

Hamlet

引用:

原帖由 jn_jona 於 15-12-2016 02:42 發表

好似仲有因為其他艦隊唔上去救北洋艦隊
有d好奇當時既艦炮係打咩彈
實心彈係咪即係普通穿甲彈呢?

清朝四個艦隊，北洋最猛，船最大最新，人員亦最優秀。最早發展既福建水師於中法戰爭（1883~1884）覆沒一直未有恢復。南洋水師既船基本上係鐵龍骨木殼船同普通鋼殼船（無防護巡洋艦），去參加鐵甲艦隊決戰係送死無異。廣東水師將手下僅有既廣甲（福建造鐵骨木殼巡洋艦）、廣乙同廣丙（全鋼質魚雷巡洋艦）派過去同北洋會操，因為當時兩廣總督係李鴻章個阿哥李翰章

至於彈藥基本上就係以下：實心穿甲彈，用黎打穿敵艦裝甲，但唔會爆。爆破彈當時又叫開花彈，用碰撞式信管，用黎殺傷艦上人員，北洋水師用既原裝爆破彈基本上係黑火藥，而日本人就用佐爆炸加燃燒既苦味酸炸藥爆破彈。再有一個就係填沙彈，用黎校准彈道或者練習炮術用，曾經被人誤傳多時個“北洋水師俾人昆買炮彈入面係沙洋鬼子正黑心”潮文其實就係源自尼個（同炮管晾衫潮文齊名）。

[ 本帖最後由 Hamlet 於 15-12-2016 03:17 編輯 ]

Hamlet

引用:

原帖由 kcwayne 於 15-12-2016 13:45 發表

翁同龢系唔想李鴻章坐大，因為北洋水師系李鴻章一手建立，系李的嫡系同政治資本，翁認為如果由得李壯大勢力會嚴重威脅自己的地位，所以老虎都唔俾李咁順攤。。。

另外據記載翁同龢同李鴻章有殺父殺兄之仇（太平天國戰爭時期既事），另外亦涉及黨爭，翁屬「帝黨」、李屬「后黨」