引用:
原帖由 sovietarmy2012 於 28-5-2015 19:44 發表 
好似個個軍閥都曳曳喎,仲學埋柱銘蹣佬
大陸究竟想點,政府軍個邊直頭係copy PLA
緬北草頭王入面好多係當年大陸扶持既緬共遊擊隊分出黎，至於當年睇真D訪問過既克倫族就係親西方多。佤邦鮑有祥比較親大陸，昆沙武裝就係俾鮑有祥搞掂，佢同雲南省個邊關係算幾好配合禁毒上幾乎全面配合大陸，經濟上對大陸方面都好依賴下。
至於而家打緊仗個果敢區個彭家聲屬於牆頭草，發跡於緬共，以緬共部隊身份同大陸要佐批軍火跟手自己扯旗另立山頭，又接受緬甸政府“招安”割據一方，大陸發佐之後又打同胞牌吸引投資，但一邊廂又開賭又暗啞底撈毒，發生過好多次佢地派人落到大陸去夾人既綁架案。所以點解大陸默許緬甸政府軍去做佢當睇唔到，而且仲扶植脫離佢自立既白所成。
大陸既戰略就係開通緬甸實兌港，建立輸油管道連接西南，建立一個唔需要走馬六甲既石油運輸線，不過而家緬甸軍政府政權旁落，吳登盛政府想食幾家茶禮，仲有昂山素姬班親西派影響進展受阻。有一種講法甚至話已經俾緬甸政府軍打入叢林既彭家聲點解今年突然間戰力爆發，或者背後有人支持，並且仲有好多打手去大陸網絡上鼓吹話大陸政府漠視同胞被屠殺不作為之類言論，甚至號召話要大陸民間組成志願軍入去幫佢地打，如果成立，咁吳登盛政府就真係擺明全面倒向西方，戰略上就更加被動。
[
本帖最後由 Hamlet 於 29-5-2015 00:09 編輯 ]
