引用:
原帖由 Lolanto 於 22-2-2018 22:19 發表 
其實「納粹」唔好咁狹窄看待佢，「納粹」唔剩係指納粹黨，亦係指納粹主義，而「納粹」意識形態的精神是「屬於一個民族的」，也稱為民族國家社會主義。而烏克蘭要脫離俄羅斯控制，係反俄羅斯之餘好自然就連帶清斯拉夫 ...
尼班人直頭歷史遺留問題
佢地唔like斯拉夫人唔係一日兩日，真係計起佢條爛數既話，可以追到當年波蘭王國俾三國（俄、德、奧）瓜分o個段歷史
班人祖先係信天主教，俾波蘭-立陶宛王國統治，但一直想脫離波蘭獨立，但佢一睇當時佢周圍，一個係波蘭王國，一頭係俄國，仲有鄂圖曼帝國同蒙古人建立既克里木汗國（就係克里米亞半島上面
，俾俄國吞併），咁佢就想話拜個大佬幫佢打走波蘭，鄂圖曼同克里木係回教國家唔得，局住揾俄國想話都係基輔羅斯文化圈出黎點都會仗義相助，點知呢個係個伏
，中伏之後又回想起波蘭都係信天主教，又走去傍返波蘭經過戰爭形成佐以第聶伯河為界西部烏克蘭同東部烏克蘭，直到波蘭第三次亡國，俾俄國吞埋，到一戰結束波蘭復國又將佢判俾波蘭，39年蘇聯佬重新佔領。
[
本帖最後由 Hamlet 於 22-2-2018 23:35 編輯 ]
