引用:
原帖由 YH17 於 21-5-2011 15:52 發表 
消防是最受氣的工作？請詳之。
先回樓主師兄講既主題先，其實我成日覺得，我真係唔介意你唔信警察/有事唔搵警察/憎警察......
負面D諗，你幾唔仲意幾憎我，我都係出咁多糧；正面D諗，係人都會有人仲意唔仲意，我邊介意得咁多
師兄你既例子，我諗我做我都會幾無奈，你一面要我比你X，一面又要我服待你
其實佢地咁都好正常，因為今時今日有D人真係唔知為乜/為左囉著數而X警察
舉一例子，我有一個男性朋友(下稱A君)，佢有次舊同學聚會，就話：我而家越來越憎差人
我以為又有咩奇遇又或不平事，之後A君就話有個警察工作關系識到佢既女性朋友，之後仲拍埋拖
聽落我又唔明，問題何在呢?原來A君話：借工作關系識女仔，我覺得好無道德囉(下刪大義凜然之道理)
但當時舊同學聚會，有男有女，大家當然風花雪月，國家大事都暫時放下先啦，無人理佢，我都以為事止於此
其後我又同佢同校另一同學聚會(下稱B小姐)，講起佢，原來佢周圍同人講返呢單野，佢知到故仔後就話
B：工作關系識到都唔係咩過錯呀，你做社工都有唔少呢D例子
A：咁佢呢個警察好影響我對成行既觀感
B:咁早輪社工都有強姦服務對像啦，咁唔可以以偏蓋全咁睇架喎
A:總之好影響我對成行既觀感
B：咁你做社工都咁睇野無得好講喎，你溝唔到你個朋友咋
A：(語窒)......
故事去到呢度我諗大家明白問題所在啦?(以上故事無意扁低任何院校/界別/行業之人士)
另，大家會唔會有少少捉錯用神
樓主師兄講既，我諗唔係邊個部門偉大D/惡做D/受氣D
基本上每個部門都有佢重要既地方，正如你叫我去救火救人，我一定唔夠消防同救護既同事識
同樣，叫消防同救護既同事去做日常求警協助/求警調查，又或關照個犯上court等等，同玩佢地無分別
呢幾個部門都缺一不可，尢其去到災難/搶救現場，大家都各自發揮自己既功能，本質上無得比較
不過我都理解一般市民會咁比法，因為就算做緊上述部門既同事入面，都有D喜歡比較既人
又、我成日係一般區睇D問"M4好定AK好"既Post，大家都識講各有各好/無得比，點解而家又會咁比較法呢?
長氣左，請原諒
