講下對第三集感覺
首先係感覺用正價game價錢買一個DLC，連入game都係用返MW2個介面入
故事模式情節，我由第二集已經覺得好多唔合理同埋低能既地方（例如C4單挑坦克），當時我已經覺得不如真係將舊三部曲既情節重新執個畫面，可能更加多人受落，當然有人可能會話創新玩法問題用故事來將就，但係第三集比我感覺，係連故事情節都懶得諗，全部用DMZ玩法變單機版俾個任務你做完過關，其實過往COD系列其中一個成功要素係充滿電影感既故事情節同埋畫面、人物塑造、唔同種類既戰爭場面等等，呢一集全部欠奉，由頭潛到落尾，玩多兩關都悶
而且故事講到馬卡諾夫係一個威脅世界既大魔王，空中力量同潛艇都有，但係對付佢既永遠只得四個SAS，同埋一班上集試圖殺呢四個SAS既僱傭兵，國家既正規力量真係咁唔方便介入？
（其實上一集我都感覺唔到有好好塑造人物，啲人物轉來轉去，轉到頭都暈之後，但係故事情節推進上轉完好似冇轉過咁）
線上模式方面，線上模式方面暫時平衡好似做得唔錯，暫時平衡好似做得唔錯，上一集幾乎滑鏟同埋伏地魔係無敵，另外外掛好似唔多見（又可能根本少人玩，外掛都懶得搞），只可惜係槍族系統，好似無繼續發揚光大
[ 本帖最後由 里安 於 26-12-2023 12:36 編輯 ]
