引用:
原帖由 adrianyahk 於 14-3-2009 13:30 發表 
後期加工係對攝影者一重侮辱...我完全唔同意!
呢點我都唔同意....
後期加工點解係一種侮辱??
話人後期加工非常侮辱攝影者果D人先係攝影界既侮辱....
一個攝影師....唔理佢係咪專業....佢都會想將自己見到的景物/影象甚至幻想記錄落黎....
每個人見到既同一樣物件都有不同的角度....如果佢想比大家分享既影像係相機做唔到出黎既....點解唔可以後製??
一d創新/富個人風格的影像點解就要被評擊??
相對地....一個思想保守....識影相但冇攝影思維....剩係識原相直出/對執相之人加以評擊....
兩者比較邊個會更好??
又或者打個比喻....
作為一本攝影書既讀者....
見到兩位攝影師既作品....
你會留意一d天花龍鳳的PS相多d丫....還是一d平平無奇....構圖都唔吸引既普通生活相多d??
我自己睇既時候我唔理佢係咪執到天花龍鳳....我見到色彩吸引/有豐富內容/有意思在內既影像我會留多幾分鐘去望....
相反....見到d構圖平平無奇....冇乜意義....冇乜目標的相我會飛快幾頁....
如果你話你唔靠PS可以影到一D咁吸引人既相....可以唔靠後制就將你的角度比人睇到既....我無話可說....
其實有D作品真係冇後制但都非常吸引的....不過....真係唔多囉....
加上e家既攝影器材根本同肉眼有分別....
器材既感光能力,銳利度,對焦,景深,甚至一D變形,偏色等等....都會影響張相....
根本就冇可能必然記錄到你想記錄既野....
你見到既野部相機未必影到....部機影到既野用肉眼都未必見到....
有d野真係要靠後製整/改出黎的....
就算識PS....自問好犀利....不妨望望一位國產攝影師 - 馬良D相....
我都有留意下佢部份作品....佢既 "禁忌之書"系列第5號....
我都叫玩過下PS....上堂都學過....你比1個星期我日執夜執都未必執到咁靚....
你估佢用PS執相唔洗哂時間哂精神??....你估佢執相....果張相就唔係嘔心瀝血既作品??
學王子話:"攝影既技巧唔係攝影既全部"....
小弟深感認同....
以上係小弟愚見....有錯勿插....
