101653

引用:

原帖由 gd1893 於 27-1-2009 17:24 發表
Com'on, 新年流流唔駛咁勞氣, 討論遮?

你朋友抗唔抗辯唔關我事.
不過,既然你認為係食環署執法手法有問題囉, 又點解唔將件事係法庭上提出,
如果法庭認同你意見既, 法官亦都會將成件事交回食環既負責人去處理.
...

首先....我認為 =/= 我要提出....
我提唔提出你都識講唔關你事....你理得我改唔改進香港....我想香港死你都吹我唔脹架 ....

其次....如果你認為我覺得既野會影響你既思想而令你有同想看法令別人聲譽受損既....
我唔覺得係我既問題囉....你自己腦內補充我控制唔到架....我低估左自己既影響力tim....
(無憑無據咁將一D損害別人聲譽既事件係網上"上綱上線" )....
我講咩損害左佢地既聲譽....我冇講過一句佢地執法錯wo....
至於有冇人情味 / 手法岩唔岩....我個人認為冇咁好喇 ....

再者....(因為, 我睇左你貼出黎果篇明報新聞囉)
你自己講耳聽三分假, 眼看未為真....
你講得出呢句我相信你有你自己既思考能力....
當然....我尊重你思考後得出既答案....

"發爛渣" <----我唔係發爛渣....
"勞氣" <----我係有少少勞氣....

[ 本帖最後由 101653 於 27-1-2009 17:46 編輯 ]

101653

引用:

原帖由 T-800 於 27-1-2009 17:31 發表

小弟唔知您講嘅係唔係事實嘅全部,如果係嘅嘅話班友真係明個伯老wow...........發告票還發告票,郁手郁脚做乜??試下大力按吓我,我一定還咗拖先講!我點知你係咪打劫?食環? ...

呢個係我食緊面時見到既事實....
我兩個fd....其他食緊面既人....路人....收緊銀既阿姐都知有件咁既事....
如果佢地要咁樣執法....我都冇計架....佢係要拉人....
但問題對住個咩都唔知又手無吋鐵既阿伯....需唔需要咁做....我認為唔需要喇 ....

101653

引用:

原帖由 T-800 於 27-1-2009 17:44 發表

sorry!寫到有D一舊舊,想表達公職人員執行職務時要有智慧同用適當手法,不可亂來,市民亦會合作.........(當然大前提係以上事件過程是否如果位c-hing描述一般....)


HAPPY SHOOTING!

正如比差佬查身分證....

"先生,麻煩睇一睇你身分證" & "o靚仔,囉你張身分證出黎"

已經好大分別啦....

101653

引用:

原帖由 Kuznetsov 於 27-1-2009 17:49 發表

公公你

死喇佢面紅....早知唔提公廁啦....

101653

引用:

原帖由 gd1893 於 27-1-2009 17:59 發表
同意, 有時一句說話, 最初既一個表情, 態度,

"比差佬查身份證" & "比警察查身份證"

出黎既效果已經差好遠.

Sorry....呢個係我錯....

101653

引用:

原帖由 莊家-犯罪無間 於 27-1-2009 17:56 發表

塞你個頭入馬桶,個pat pat留比阿公

其實呢....我都幾有自信架....

假如我行入一D哲古華拉既酒吧....我都覺得自己應該受歡迎架

101653

引用:

原帖由 gtoray 於 27-1-2009 21:45 發表


受男仔歡迎?
女仔討厭?

先決條件係做低泉女

101653

引用:

原帖由 mujiadam 於 28-1-2009 15:52 發表

如果係用呢個文章同捉60歲伯伯一齊去討論,我都會話要拉佢地,不過小弟執著於手法問題,個大肚婆偷野,會唔會飛身過肩摔低佢先,冇必要LO

由頭到尾都係講手法問題....係D人係咁係度話點樣點樣唔公平ja....

101653

引用:

原帖由 ?老虎仔? 於 28-1-2009 22:39 發表

其實手法有咩問題?
只係公事公辦, 你本身唔做錯, 人地點捉你?
如果二百人圍就等於要放人走, 咁執法者權力威信就真係完蛋喇...
第二日報紙係唔會寫「食環有人情味放人, 二百人齊讚好!」, 而係「食環欠公信力, 二 ...

手法同放人你囉黎比較??

我係話佢執法時既手法有問題wo....

我幾x時講過佢拉人有錯??

由頭到尾我都冇講過一句犯錯唔應該拉囉....

我講既一直都係手法問題....

拉個阿伯洗唔洗係後面壓到半跪?? 拉個大肚婆洗唔洗飛身鍾埋去??

(以上大肚婆只係例子)

你自己諗諗佢....唔好乜都唔知就開波插....

[ 本帖最後由 101653 於 29-1-2009 17:34 編輯 ]

101653

引用:

原帖由 ?老虎仔? 於 30-1-2009 11:13 發表
姑且唔好討論個呀伯係唔係俾人飛身加星龍拳加無影腳,
我唔在現場, 你亦唔係近距見到, 我亦唔肯定你有無誇大事實,
而且我相信當中有細節係你同我都唔清楚,
個呀伯同食環之間對話係點?
個呀伯會唔會已經唔係一次?
會唔會係個呀伯俾食環嚇親企唔穩?
而且我相信, 如果我係一個食環處人員, 係唔會當街當巷"打"個呀伯
所以我唔會拉埋兩件事討論先。

回應返個topic新聞報導,
正如你所講, 你就算係一個警察, 見到個大肚婆都會拉,
咁煨番薯母女被食環處拉又有咩問題? 報導中有無講食環處飛身飛拳飛腳去拉兩母女?如果無, 咁又有咩問題?

如果3米既距離唔係叫近距離....我都唔知點為之近距離....
當中細節係點我唔可以肯定話你聽....我只可以講你聽我見到既野....唔需要質疑我....唔岩聽就唔好理....
我點知佢係唔係第一次ja....

我見到既只係:
阿伯掉張紙巾落垃圾蘿
阿伯繼續慢條斯理行
兩個食環跑過黎按低個阿伯
個阿伯半跪
原來阿伯掉垃圾落垃圾蘿係犯法
寫告票
提阿伯記得交錢
阿伯小左食環幾句
-完-

如果你連 "會唔會阿伯企唔穩" 都可以囉黎問既話....
你實岩架....我錯哂既....咁你都拗到我點同你講野??
另外....你話你係食環就唔會JA....果個食環唔係你丫MA....你點知??
邊個可以肯定咁同我講公務員(包括食環)唔會打人唔會殺人唔會強姦人先??

另外....我冇講過佢拉人有問題....而係洗唔洗CALL到兩架警車黎又係一個問題JA....
有人覺得要....我覺得唔洗....咁都有錯??
唔岩聽咪唔好聽囉....

101653

補充....案發果頭既十字路口的確有檔菜檔....
剩係計呢兩年我係果頭住到我搬左再半個月前番西環....
都唔見得條街D發泡膠箱同D菜箱少左....
如果你話佢有做野 / 唔係選擇性執法....
我真係唔知應該搵咩理由去解釋....
我唔覺得佢有做野既話條街都仲係咁樣囉....
我唔係唔信佢有做野....
而係做左野出黎既效果叫我好難相信佢地有做野....

101653

引用:

原帖由 ?老虎仔? 於 31-1-2009 23:21 發表


大佬, 你岩曬, 我錯曬, 你會唔會順氣d ?  

叫警車都手法唔岩, 點唔岩法? 大佬你指點一下

咁你自己認為我比咩反應你最好??
比人按低都可以問 "係咪佢企唔穩??"
你係貶低緊你自己的智慧定係點呢??
如果你覺得咁樣都講得通既....我真係冇哂聲出....你實岩架....

我話我覺得佢手法有問題....因為佢叫兩架警車....
冇人情味就緊架喇....但冇人情味唔係錯....
問題係點解拉個人都可以搞到殺左200人出黎都仲未搞掂仲要叫警車??
明知咁多人圍住鬧就拿拿聲搞掂佢閃快d啦....叫得兩架警車黎我覺得時間上唔少得過搞掂d野走囉....
我唔信拉人果時無啦啦即刻出現200人係度插....

101653

引用:

原帖由 魔鬼使者 於 1-2-2009 05:50 發表
我建議樓主閱讀一下《洞穴奇案的十四種判決》這著作，裡面對法、理、情的分析可以增加你的法律知識，再上幾堂公民教育課，那就可以完全去除刁民思想，不會再狗嗡。

呢個世界唔係順民就係刁民對辦事方法覺得有問題既就係唔岩....

如果比你d咁既人做d大粒d既位....香港冇囉...

101653

引用:

原帖由 queen 於 1-2-2009 16:08 發表
我亦可講個類似的例子參考一下
在大埔近大埔街市有一批生果檔, 都會將D發泡膠箱放喺行人路中心擺賣, D食環到, 佢哋就拿拿聲將D發泡膠箱拉返入去, 食環一走, 又拉返出去....
咁樣其實大部份時間條行人路都有發泡膠箱, 但...食環是否無做嘢??不是, 只是不能一星期7日, 每日13小時(0700-2000)企喺度睇實.....

得知閣下是學生一名, 一定不能一星期7日, 每日13小時(0700-2000)睇住食環, 咁又如何斷言食環無做過嘢, 食環選擇性執法, 又有無類似情況發生呢??

而且, 個菜檔老細可能會講"都係擺多幾發泡膠箱賣嘢, 想搵多百零蚊養妻活兒啫, 咁都唔得, 太無人情味啦....."
咁..............又如何??

相反地....你又係唔係一個星期7日....每日13小時睇實佢地有冇做野有冇蛇王??
如果你話佢地成日做野....好勤力....但得出黎既結果冇改善....條街一樣都係咁....你覺得有冇問題??
我冇話佢冇做野....我只係覺得條街一樣咁既死樣....好難相信佢地做左野....
仲有....我冇斷言過佢地冇做野wo....你老屈都講好d丫....

另外....唔該睇哂post先回....我講左幾次 "我唔覺得犯法唔應該拉" ....我由頭到尾都認為犯法應該有相應懲罰....
如果你咁都要繼續問埋呢d問題既....我覺得你只係貶低你自己視力....

101653

引用:

原帖由 seals 於 4-2-2009 08:42 發表
可能C-hing你有d誤會！
食環無權要求幾多架警車，
只有現場軍裝評估，或有人打999說有200人圍觀，
才會派較多人手到場！
一架車有幾多人？可能一到兩個！
重點係你又見到多小警察？


仲有你估佢Ù ...

我唔覺得拉人果時就即刻有200人圍觀囉....
我唔信200人當中個個指住食環仔黎插囉....
就係咁簡單....

講真一句....執法對於一般市民黎講....冇人情味就一定架喇....
因為對市民黎講....佢呢次執法拉人對一般市民黎講基本上係冇利益既....由其近過節....
問題係點解件事可以搞左咁耐都未搞掂咁解ja....
衰d講句....知衰既拿拿聲搞掂佢走啦....

[ 本帖最後由 101653 於 4-2-2009 08:48 編輯 ]