既然開番Post咁我又講下先
首先聲明: 我唔係支持自殺, 唔係將自殺合理化, 更加唔係要同大家作對, 但我一定唔會跟大隊抽水, 謝謝
第一個問題, 唔知點解我睇親D自殺新聞, 永遠都係死者死左之後
總有一兩個家長親友等等殺出黎, 話死者死之前比邊個邊個蝦, 話死者有咩病咩病等等
冇人出黎講點解既, 就會 "懷疑" 係失足墮樓, "懷疑" 患上精神病等等
我真係認真地想問一問, 除左我之外真係冇人覺得有問題嗎?
可能我對事敏感, 我覺得呢件事上面父母點都有責任, 至於點解我唔講大家自己估啦
既然冇人覺得上面果度有問題, 咁到第二個問題
點解自殺者唔值得可憐呢? 可能有師兄都話, 自殺等於自動棄權
我又想問一問, 你認為自殺者連呢個道理都唔明嗎? 我想講既係自殺=/=弱智
自殺者都係有自己的尊嚴, 有自己的勇氣, 就算大家好想死, 走到上國金頂咁高, 有會唔會粒水唔跳呢?
自殺動機, 主要來源係壓力, 無論係邊方面既壓力都係一樣, 只係佢覺得壓力大到佢要自動棄權而已
我視自殺為消除壓力的方法, 例如隊酒, high野等等, 至於係咪一個岩既方法, 大家自行判斷
而壓力亦有可能改變死者的價值觀, 令其覺得自身冇生存意義, 生不如死, 死是一種解脫等等
其次係外界知識, 有人相信可以投胎做個有錢仔, 有人相信升天見上帝後過住幸福快樂既生活, 有人相信卡通片死後世界有長襪水手服既女同學等緊佢
呢D外界知識係可以麻木死者自身的判斷力, 可能在座都有人信緊, 至於點解呢D野有人會信, 唔好問我
咁到底死者究竟受過咩層面既壓力, 吸收左幾多呢方面既知識, 又係唔係外間能夠估計呢?
講自殺者抵死既人, 又有冇嘗試過諗佢地所受既程度呢? (只係純粹題問, 非指在座某人)
第三個問題, 前面有師兄話自殺累街坊 (我以下講既野你可以當笑話咁聽)
試問下點死唔係累街坊架? 有人行行下街比野掟死, 有人過馬路比架唔識停既車撞死, 咪又係要有人拖條屍走? 見到既人咪又係有陰影?
就算你話病死老死, 咪又係要拖條屍走, 咪又係要比幾千蚊蠔屎再Call百九幾人坐埋一齊你喊我又喊?
好喇, 好似軍事討論區成日有果D死得好壯烈既, 佢囉左幾多戰功都好, 咪又係要隊友執佢條屍番黎蓋國旗?
所以我個人覺得, 無論咩死法, 咩原因死, 都係累人累物的, 又點解唔可以將佢地一視同仁呢?
ps. 我係好唔冷靜既, 我係好唔理性既, 所以大家唔同意唔緊要, 請大家唔好Crop我D野改我D野, 謝謝各位
