睇下條數大唔大喇.
通常合法既收數公司接到單job, 如果收唔到數, 係冇錢收冇錢賺白做的, 但如果收到數就可以分到條數既某一個百分比.
有D難收既爛數, 收數公司可以分到條數既80% -90%都有, 所以有時收數佬真係會"咩都做得出".
咁點解銀行要俾收數公司賺咁多都唔從法律途徑去追呢 ? 因為銀行如果告上法庭, 銀行未必嬴架, 仲要係法庭公開D利息既計法, 銀行好怕咁做, 因為有部份利息既計法, 可能唔合法或者係灰色地帶, 大眾知道左會影響銀行形象。
仲有既係, 某D貸款例如汽車這一類, 就算銀行嬴左, 都係收返架車, 到時架車可能已經撞到爛哂, 收返都唔值錢.
以前做銀行, 有單case 係條友買車, 只供左幾期就冇供, 之後搵拖車公司鈎車, 拖車公司搵到架車, 但拖唔到返黎, 因為條友背景好勁, 拖車公司都無能唯力, 最後呢條數銀行當壞帳處理, 沒有從法律途徑追究.
