我一定上街!!
我搵唔到理由唔上街!!
呢d係我地依家最起碼既自由, d 議員抽唔抽水係一件事, 我冇理由因為唔想俾人抽水而唔上街.
政府都成日抽我地班市民水啦!! 成日話已經咨詢左市民, 你地覺得有冇?
仲有如果用政府個羅輯思維, 話咩五區公投得 17% 投票率係低, 仲有650萬未投 (冇投等於反對).
50萬人上街唔代表全港市民既意思, 咁我地尊貴既特首得個800票, 即係全港仲有7xx萬人仲未投喎!! (冇投等於反對)
當然我地冇資格投特首票啦!! 除非我地個個都係李嘉誠啦!!
我地上街唔係為人地, 係為左自己為自己的下一代! (即蘋果講的一己私利,奇怪在佢又成日叫人上街遊行?)
如果各位有上過政府部門,(如交文件,有事查詢, 辦理手續等)見到佢地做事方式, 我相信你都想搞抗爭!!
警察都有為自己利益出過聲遊行過, 唔通佢地又係搞事? 點解佢地要咁做? 因為佢地知道正常既伸訴渠道係冇用.
大家有冇去過公營醫院? 知唔知有幾多前線係敢怒不敢言? 我見到廣華內張貼左好多反周一惡既傳單, 亦聽過唔少前線對上層
醫管局媽聲四起, 大家有冇諗過佢地既聲音有冇上達到? 知唔知醫管局有幾腐敗?
香港其實已經大陸化緊...我地已經失去左好多我地應有既特質同競爭力.
做唔做犬儒大家自己決定!!
