上星期五喺不可抗力作用之下(Temptation of a Devil)，買咗WE出果支M4A1 Gas Blow Back，買果時順手改返一面罐，可惜成個旺角都冇彈匣賣，仲諗住要放多一排，但星期六晚再去旺角，發現原本話要星期三先到嘅彈匣已經有貨，於是，即買半打！Yeah！拿拿臨將原本M4電鎗上面嘅RAS (註：係KAC RAS，唔係KAC RAS Style或者任何其他牌子嘅RAS)、Aimpoint同埋M4尾柄換返落去，順手換埋條原裝彈弓同彈弓頂，嘩~！爽呀！
星期日！實戰測試！新鎗落場，唔少得個個輪住玩一餐...總之...一句講哂~感覺返哂嚟~鎗本身設計好簡單，操作方面都好暢順，因為設計簡單，所以損耗都相對輕微，一隻匣30發，理想到不得了，可惜由於換咗原裝彈弓，彈弓力度強咗，當打哂一隻彈匣，lock bolt之後，再上彈匣果時，會自動回膛，冇咗拍掣回膛嘅樂趣，後尾囉返出鎗鋪整過之後，應該就冇問題...因為仲未得閒試呀...今晚~CQB實戰測試自有分曉~講返星期日打林...blow back果吓真係好爽好好玩，整體上，支鎗未有出過任何問題，暢順，耐操！但彈匣就反而唔多穩定，7隻匣裡面，有1隻漏氣、2隻follower唔識彈上嚟導致上唔到彈...最後，囉落鎗鋪整...唔駛換配件，人手隨手就可以整返，都算OK...
支鎗整體上只能算係BTN...Better Than None...金屬身因為材料問題，外觀上質感近似Heavy Weight-重鎗身，即係膠混合金屬注模，質感較差，重量比電鎗輕...起碼輕過我果支；大部份配件與原裝零件唔能夠互換，要執位，基本上，唔係1:1，但已經比WA好好多，起碼外觀上都睇唔出唔啱比例，我已經換咗條KAC RAS同埋M4尾柄，起碼呢兩件，直接交換，唔駛改位，但準星、鎗管就肯定要改，而且因為Barrel Nut設計同電鎗唔同，電鎗鎗管配件唔可以直接使用，要改位，準星都唔得，Front Cap、Delta Ring就好似可以直接換...
操作方法上與真鎗無異~good！算係一件好消息！特別係safty同bolt action。但結構上就強差人意...用近似Sun Project嘅設計，同手鎗差唔多，Bolt拉後之後，仍會見到一個金色Piston，頂住個chamber位，可惜...唉~呢方面，WA就比較優勝！鎗身本身有可調威力設計，唔需要更換配件，就可以做到「火力調節」，方便，用Topgas，我果支就梗係一面罐力啦！不過因為要退膛關係，134a根本推唔開個膛，所以，用氣體去調節威力係唔可行嘅...不過因為火力調節放咗喺鎗身，用限流設計，所以，唔需要擔心火力問題，就算打咩力，都係用果堆彈匣就得！呢個唔錯...因為新鎗，未玩熟，Hotup基本上冇較過，今晚先有時間較，睇吓效果如何...不過星期日叢林測試，雖然未較好Hotup，但效果都唔錯，射程感覺上同電鎗差唔多。
因為預咗會放，只係Dream gun未到手，手痕玩住先，所以...應該都唔會改返哂啲原裝零件落去啦~再加上個Bolt...唉~所以Dream gun一到手~即放！仲諗住買多兩支，一支改M16A4，另一支改Mk18Mod0，不過，都係玩具配件改就算啦~到時易甩手~一句講哂！得個平字！不過唔夠靚、唔夠正~玩住先都仲得...玩住先啦~好過冇嘅...
如果今晚CQB實戰測試後都冇問題，下星期21/12海灣戰區就正式實戰配備啦~呵呵~
