反思飛府
因為上集飛府有講到氣槍，所以立即再成為各game友的熱話，而我亦都終於忍唔住要開個新Post講埋一份......
因為早知電視台拍呢啲戲都一定係笑料百出，為免浪費時間，所以自己本身係無睇飛府嘅，但自從上星期嗰集之後，FB比Game友洗版，想唔知乜事都唔得，咁當然要上埋各科林睇睇乜料啦.....
綜合嚟講除咗話CCTVB話用真槍Parts可以改到20J爆頭外，就係話CCTVB班編劇令大眾誤解wargame同影衰wargame。
改槍嗰Parts我唔討論，因為以我所知，要做到....唔係無可能，而且....又係以我所知，香港最勁又可以買到嘅"氣槍"原裝係96J......而我想討論嘅係誤導市民嗰Part......
大部份嘅師兄都話CCTVB咁寫會令一般人以為Wargame係一個暴力嘅殺人狂活動，而玩槍嘅人亦係一啲鍾意週街揾人射嘅人。令好多師兄都好不滿，仲有人組織寫信去投訴......但係大家義正詞嚴咁去小CCTVB嘅時候又有無諗下，除咗班編劇不救甚解外，佢哋點解會咁寫呢？？
班編劇正正就係代表咗一般市民眼裏面玩wargame同玩槍嘅人嘅印象，亦即係話喺一般市民眼裏面我哋就係一班咁嘅暴力狂!!!!喺投訴嘅時候各位又有無諗過點解會咁？？？第一要先多謝各位"城市獵人"，喺記憶所及，每次"氣槍"喺各媒體出現都唔係好事，記得對上一次就係Pk射猴子，再之前就game友破壞鳳園洋洲.......其他射途人巴士不計其數.......咁你叫一般市民點會有好印象？？？唔計呢啲，喺星期日大家喺MK等上車同落車嗰陣有無留意下身邊嘅人？？好多時都發現好多師兄三五成群，喺度煲煙吹水，中間夾集大量性器官同性行為.......咁比你係一般人見到班咁嘅人，又會有乜印象呢？？？仲未計有時上綱見到啲7蕉槍嘅Post呢......
喺各位鬧CCTVB之前，又有無先諗下我哋自己有無做好"修身"呢一環呢？？而且，我唔認為比一般C9家長覺得"氣槍"係武器而唔係玩具有乜唔好，起碼如果佢哋知道氣槍係危險嘅，就唔會比個細路甚至帶個細路去買枝槍去玩甚至改枝超J槍，都未嘗唔係件好事......
