嘩!!樓主會唔會諗得太多呀???又話我咩"目的以經達到",又話去煽動眾玩家!!!嘩好大罪喎!!!
咁不如直接講吓你覺得我有乜嘢"目的"先....
喺你講之前, 等我講我回post嘅目的先啦.....
"紅眼鏡"系列(我自己喜歡咁叫, 因為"紅眼鏡"始終係系列嘅第一作, 所以咁叫)係其中一個我非常喜歡嘅作品, 而眼見有人出cos, 所以特別留意同開心, 而基於對作品嘅執着(呀宅性格...哈哈), 所以眼見有一D可輕易作改善嘅地方, 咪想講吓比少少意見......本身喺網上同樓主都交過一次手, 對樓主性格亦心中有數, 深知一回post比意見, 變成post war嘅機會好高, 但都係忍唔住要回post, 所以都回得比較小心, 唔敢challage得咁盡.....本來都諗住好地地咁去討論, 但唔到幾個post....大哥就開始寸小弟啦...
"與其執著與原著之差距,不如自己親身整下去感受一下........
你就會明白咩叫[當做得越接近設定時,有時會連那些設定的欠陷點也會被製造出來]
時間係自己控制的...忙不是借口"
我唔知自己有無會錯意, 我feel到係"咁叻自己整件丫, 剩係喺度次水, 唔整過馮乜話我!!"
你之後都講咗啦
"但好比那些紙上談兵的人有一點唔同
至於有咩唔同,你自己估下啦~
你咁在意既,都係自己做番件,比個榜樣人地睇,我地咪虛心學習囉
難道你酸人葡萄先黎去大挑骨頭?<---挑骨頭一字你自己話既"(呀...我係講"捉字蝨", 唔係"挑骨頭")
我一開頭已經講咗, 同你嘅設計理念已經完全唔同, 我一路就諗係cos服去影相, 你就要打game嘅....老實, 剩係咁, 喺揀材料已經係兩回會事, 但大哥你之前又無講過你套嘢要去打game, 鬼知咩, 知道咗都有比提意你丫......可能你睇唔到啦...
"用walkie有罪咩?佢知道使用原因嗎?"
"我女朋友為我製作的voice box,比人評為"高科技電子零件""睇落似係電盒"......佢知道使用原因嗎?"
用walkie嘅原因我大致估到, 同攝記和友人溝通吧!! 本身用walkie無罪, 但係你去出cos, 係咪要諗計將部409收起唔比人見到呢??而個舊"似電盒"嘅嘢, 睇相鬼知係乜..就算幾重要都好, 出得cos係咪要將呢D原作無嘅嘢盡量收起呢????
"咁大個背包..做乜唔放入去, 要放條腰呀......."呢句係我嘅意見, 要發聲嘅, 咪將個speaker放喺口邊, 拉長D條線由背包拉去個"豬咀"度囉, 反正有三條喉, 點走都得, 要用手做開關, 由背包拉條線做個panel 去左手咪得囉.....老實我唔應為咁樣有咩咁高難度....
"做得唔似,真係罪該萬死??"
當然唔係, 做呢套甲本身係好高難度, 有D位一般人亦唔係咁易做到, 我本身無諗住去話你呢類問題, 因為真係做唔到, 所以只提出一D無乜難度嘅改善地方.......
以下呢D, 係我嘅問題, 當然答案亦早就心裏有數....因為對你來說, 係幾唔好嘅指控, 所以我唔直接講, 但事已至此, 我都唔轉彎抹角, 直接講啦...
"仲有樣有趣嘅嘢...你將cosplay嘅嘢, post喺玩槍嘅CGF, 模型嘅HKML同具嘅Toysdaily......但....就係唔post落專玩cosplay嘅hkcosplayers......做乜唔post過去呀, 你又唔係無acount??"
我咁問, 唔係要管你, 我都無乜原因同能力去管你.....我咁問係因為我覺得你好無用, 只敢喺呢D無乜cosplayer嘅討論區出post, 希望得到人哋嘅稱讚, 而你深信, 喺呢D討論區無乜人會挑戰你, 而最多只係挑戰你部計數機, 而你亦早有準備去回, 再等人覺得你好Pro!!! 而你唔post喺hkcosplayers係因為你知如果你將原作嘅相post出來同自己套衫做對比, 各cosplayer會對你呢套衫點批評........如意算盤本來打得響啦, 但可借.....你估唔到呢個香港難得有人"宅紅眼鏡", 而竟然咁好彩其中有一個係對玩槍, 模型, 玩具同cosplay都有興趣嘅人.........我唔係咁好閒情去捉你, 而係呢幾個網我日日都睇......我已經好比面你只喺呢度回post, 因為CGF相對其他兩度少人(對唔住呀公!!!), 我唔想喺咁多人面前篤爆你........又要做得唔好又要攞威.....
"敢問師兄...我行唔到路, 要坐輪椅, 係唔係等如冇資格話人 行/跑 得慢? 定係一定要 行/跑 得快過嗰個人至可以話佢慢?"之前theloggoo師出咗呢個post, 係一個好簡單嘅比諭: "係咪要做到一樣嘢, 先有資格去批評?" 咁簡單你都唔明??定唔想去明呀??
至於令你覺得我針對你, 就真係唔好意思啦, 我本身無針對你, 係基於自己對"紅眼鏡"嘅執著而針對你套衫並提出意見, 本身並無惡意.......
如果我係針對你嘅, 只要喺hkcosplayers出個post"做得咁唔似, 算唔算偽cos", 咁好過喺CGF度回post"針對"你...
仲有怕熱就留返室內啦, 有心出得就唔好怕熱.....我就試過3x度喺HKU全套WWII 英軍Para影相......件Denison 加件BD同para褲.....熱到!!!
"佢偷人地d相,佢都唔專重人".....我喺post之前已經講咗張相係你嘅, 唔算偷.."等我post你喺HKML post 個隻12寸張相出來"
呢隻我架....我唔係無先用你張相.... 係費事你喺度話我"剩係識用錢買理咁多玩具嘅, 又唔自己整, 講咩丫!!"
[ 本帖最後由 queen 於 29-11-2009 19:47 編輯 ]
附件
-
P1020041.JPG
(40.51 KB)
-
29-11-2009 19:38
