queen

呢段係我於FB見到有玩家對近期某玩具的評論，可反影一般人對買「玩具」返來玩的心態....而另外嗰兩張圖，係某玩具媒體幫廠說的好話....

「呢鑊點都係間廠既問題, 唔應該仲要掉返轉話係玩家唔識玩, 好多時大貨同版有出入就一定, 但又唔見得隻隻都好似呢隻俾人大鬧. 冇錯佢地唔想得罪啲廠, 以免第時冇得第一時間拎到件sample報導, 但都唔應該一口就反咬係玩家既問題, 尤其作為媒體更要小心. 咁樣唔係幫口, 係害埋間廠. 如果出得唔好都要話係玩家問題, 咁啲廠仲會改? 次次都話係你班人唔識就得囉.  如果啲人惡意攻擊, 大可以咩都踩, 但我見既係好多人套甲係收貨, 只係插個頭. 對上一次3仔俾人狂插既係新版robocop, 都係因為質素太差, 大佬人地信你地個名, sample先會冒險俾訂order, 你交件咩貨俾人?撻訂都要蝕既. 啲滲線仲差過啲平價玩具, 真金白銀買嘢,但你最後俾件買嘢人, 其實應該間廠要檢討你地handle唔到某類產品要去改良, 而唔係反轉頭話人唔識玩.」

queen

引用:

原帖由 Dave 於 7-2-2018 00:40 發表


唔係好知來龍去脈...在下也不玩公仔的...但說實話..第一眼見呢個公仔...
由上至下碌落去睇...第一眼真是以為吹氣公仔...

補完：
睇番廣告圖真係唔錯...但只供參考
http://hk.on.cc/hk/bkn/cnt/lifestyl ...

其實呢個Case好簡單，有間廠出隻12寸，開訂時個頭雕就景甜，大貨時就變葉劉.....咁D客收到貨自然上網小晒鬼啦...但又竟然有個媒體話係D玩家唔識玩唔識影相而唔關間廠事....

就好似某啲廠出枝槍(無針對特定廠商)，出枝槍出嚟有鑊氣，啲玩家嘈的時候，總有人出來話係D玩家唔識玩唔識改唔識執，而唔係間廠有問題....呢點先最奇怪....

又講返係咪針對V記，老實以一個普通玩家而言，我接受到將貨就價呢個借口，但係都要睇個「價」係乜價.....買VVE將貨就價外觀無咁靚無mark8ng，性能合格(講真...我其實好接受VVE原裝性能，起碼做到一枝氣槍基本要做到的功課)，但佢個價係千幾蚊枝GBBR，五舊水枝Glock，呢D係合理的將貨就價

反觀....井記(唔好話我針對V記)出枝M4，外觀一流性能九流....但佢個價....係五千一枝....呢D咪唔合理的將貨就價......

利伸，我得枝V記417，換咗加拿大膠幾好打....

queen

小弟為人魯鈍，不懂分曲直.....

用二十幾年前的價格去評現在的價？？？？

當年買部三十寸LED電視要幾錢，今日要幾錢？
當年買枝全金屬手槍要幾錢，今日要幾錢？？？？

有得咁比的嗎？？當年模型島見過枝全鋁身WA1911要九千幾，今日一枝井記全鋼1911三千幾(好似唔洗).....仲記住三千蚊套M4金身有乜用？？？當年日本蚊廠套RIS好似又係二三千，今日一條GP骨先幾百......我真係唔知比乜？？