這是我之前寫的東西......關於地雷....
我好記得，九七回歸前先父曾對我講:「九七後要小心，一定有排衰呀......」以現時嘅情況嚟睇，絕對講中晒，但當年他所說的理由，並不是說老共會搞死香港，而係「英國佬無咁好死架，佢臨走一定會搞死佢啲殖民地架。」當時我才剛二十出頭，正在享受著九十年代中經濟的成果，當時我的回應是:「點會呀，英國佬無咁PK，而且香港宜家咁好，點整得死呀!!」但係十五年過去，有目共睹，Hong Kong is dying，而且隨著人生經驗增加，也漸漸發覺，先父說的，一點也沒錯......
英國人在管治香港時期，早於六十年代已決定把香港交回老共，而以我嚟睇，英國佬由果時開始，已經喺香港各個層面，埋下很多殺傷力十足嘅地雷，準備比九七後嘅港中政府踩......
首先英國佬由教育開始，向全港學童實行填鴨式教育，完全扼殺學童嘅獨立思考同創作力，呢種情況，越近九七越嚴重，越近九七，「求學只是求分數」嘅思想就越勵害，而補習天皇亦係由嗰時開始興起，去到個地步係連作文都係以背model answer 去答嘅地步，咁樣令宜家香港40~20歲嘅群組，出現咗大量高分低能嘅人，而最慘嘅係，香港呢三十年，都仲係由呢班人去運作。
跟住就到改變香港故有嘅「核心價值」，以前香港人只要肯做，就總能安居，但自九十年代初，香港人已經慢慢被灌輸「工字不出頭」嘅慨念，要揾食邊洗靠做，「炒」先係皇道!!我好記得自90年開始，唔講炒樓嗰啲大人嘢，十幾歲嘅我身邊，有人炒閃卡，有人炒模型。由果時開始，香港已經由做實業嘅社會，慢慢轉型成一個從炒為本嘅社會，永係咁令現今香港經濟完全建基於金融同地產，亦係因為係全民皆炒，令香港嘅樓市，根本無調整嘅空間，因為一調返去合里水平嘅時候.......又唔知有幾多人好似上次八萬五咁，跳樓都唔掂.......
英國人之後當然唔會放過香港積存已久嘅資源：錢啦。但係英國佬走嘅時候，並無拎走我哋嘅錢，仲留咗好大舊儲備比我哋洗喎，咁又邊有攞呢？無錯英國佬並無拎走我哋嘅儲備呢隻現成嘅金蛋，但係......佢哋早就已經將嗰隻生金蛋嘅鵝拎走咗，而佢哋用嘅招數就係......「移民」！！好似我咁大嘅七十後，一定經歴過移民潮，而記憶所及第一波移民潮係喺八十年代中，香港確認要回歸之後，大批因逃避老共而走落嚟香港嘅人，因為驚老共重臨而移民；第二波就係六四之後，試問當時有邊過唔驚老共。但係既然港人移民全部出於自願，咁又關英國佬乜事？？當然英國佬在明並沒有迫人移民，但係就以一啲小動作去令香港人越嚟越恐共，大家要知道，當時資訊唔發達，內地訊識更加唔多，而且當時港府對傳媒嘅控制亦非帶勵害，他們只需要一點一點少少咁將內地嘅衰嘢報導出嚟，好容易就能夠令嗰啲由國共內戰到文革走難落嚟嘅人嘅恐共心理一步一步咁推高，再加上之後嘅六四事件，就更令恐共心理推向高峰，而喺嗰時，英國佬亦正式配合香港人想移民嘅心態，一步一步咁抽乾香港嘅資金同人才.......大家回想一下，當時嘅移民熱點係美加澳紐英呢五個地方，除咗英國外，其他四個國家都同英國非常友好，而無獨有偶，佢哋對香港實施嘅移民政策亦大致相同.....
to be continuous.....
