引用:
原帖由 starfox 於 6-9-2011 00:50 發表 
內地人炒港樓..
面對脫離現實的樓價, 高官叫你去買二手樓...
公共交通發瘋狂加價..
想生仔但冇床位..
貧富懸殊...........
内地人炒香港樓, 高樓價.....真係由政府引起咩??
香港有一個優勢同核心價值到宜家為止都仲係領先全球, 就係自由經濟, 如果政府限制外地人來港投資房地產, 咁樣香港建設多年嘅呢個優點就會毁於一旦.....如果只限制內地人又會變咗種族歧視, 又啱唔啱呢??
至於高樓價, 香港係自由市場, 你開幾多有人接貨就得, 根本吹唔漲....你叫啲本地炒家唔好炒唔好接貨, 你睇吓佢哋肯唔肯~~~
至於公共交通....係咪真係咁瘋狂呢??首先一程車加唔夠五豪子, 一個月返工來回加唔夠五十蚊.....真係咁大影響??掃少幾次街都喺度啦...再者各交通機構係做生意, 唔係開善堂, 即使係港鐵都一樣要同股東交代, 你試吓港鐵由今日起話減車費唔賺錢, 睇吓班股民同唔同你死過
至於生仔無床位.....我唔知係咪我好彩, 我老婆係急政入去政府生, 仲要係重災區威院生, 都即刻有位比佢入院住幾日生仔, 雖然人手真係少咗, 但我又唔覺會無位生喎.....但如果話想排私家排唔到....咁又變返商業問題啦.......
至於貧富懸殊呢.....我真係想知政府可以點搞?派錢比至港市民令每人最少有一百幾十萬資產????定點做????? "反貧富懸殊"呢句口號個個識, 但究竟有乜方法去解決....起碼我唔識先......
宜家香港係有好多問題, 但宜家嘅香港人就剩係識賴政府啲政策, 但又從來唔去諗清楚呢啲問題係邊個搞出嚟??有乜辦法去解決??而市民自己就好似無責任咁!!!!嗰啲乜鬼"反通漲"、"反貧窮"、"反失業"呢啲咁好聽嘅口號邊個唔識, 但喺叫完口號之後又有邊個會真係去諗個解決方法呢
