潛陣水

可能各位師兄都已經過左中學, 亦到經過過last day
今日,小弟終於要離開學校
亦都好唔捨得同大家分別, 雖然熟落既真係唔多(廿幾個)
重未計到學會d戰友,今日心情開心,因為可以話過左中學最開心既一日
但同時內心又好悲傷,因為以後都唔會再有機會上堂同佢地一齊搞搞齊,lunch一齊衝canteen,吹水食飯
更唔捨得教左我咁耐既老師, 佢地真係好好, 唔止教我知識, 重會教我做人既道理
光陰一去不返, 一剎那已經6年, 由一隻小學雞變成一個心智成熟既中學畢業生
雖然,人必然面成熟,離開別人既保護,去新既地方
實在太過放唔低,想一路都留係中學
小弟果班d人來自香港各地, 想gather都唔容易
每當我想起中學d片斷,我都會不禁喊出黎,打緊呢個post同時其實我係度一路喊
眼見要同好友良師離別,始終都係放唔低中學既一切
盡管已經好努力打算將所有回憶留低,但始終有d野永遠無法被收藏
即使係度憧憬未來,希望可以係大學or社會搵到新既朋友,但中學時光永遠都係最寶貴既
希望係度將自己d感覺抒發一下