8.Q：我有唔明想問，但點解冇人回post？
A：有可能:
1.你問問題唔夠全面，或者忽略重點，老手未必明白你想要咩野。
2.發問時過於簡短，令人感到你誠意不足，膚淺了事。
3.由於問題重覆(俗稱"月經post")，答完之後又會有人問，部分老手索性唔答。
4.可能咁岩個個都唔識呢，等多幾日睇下有無師兄識啦，唔駛急於"推post"
9.Q：新手唔識打game，好唔好加入wargame隊同人玩？
A：如果閣下有相熟朋友玩得耐，加入wargame未嘗唔係一件好事!但要注意有某些wargame部隊其實本身年資尚輕，很多人都冇足夠能力教你!記住新手打算入隊，必先留意隊伍性質、背景、無負面評價等
(老實說，其實有些人玩了兩、三個月就自認老手，搞隊只為一嘗做隊長，根本就係冇料)
[ 本帖最後由 阿堅 於 11-8-2009 19:26 編輯 ]
