作為一個"叫做"中產嘅八十後，等我又講下先。坦白講，政治嘅野我唔識亦冇興趣去玩埋一份，一個政府我擁唔擁護、支唔支持我只會睇一樣嘢，就係佢可唔可以令到普羅大眾「安居樂業」。
八九十年代屋企得爸爸一個人做野，一個人養四個人，做個工廠工人都可以養得起一家人，成家人呢度慳D嗰度慳D，唔駛十年就買到自己層樓，之後供左唔夠十年就供斷層樓，之後開始儲到錢慢慢步入小康，仲可以買居屋改善生活環境，那些年只要你肯做肯挨，點都搵到食
到我呢一代，教育改革，俾母語教學玩死，中四五讀中文，預科同一科讀英文，追到氣都咳。出左黎做野，工資增長根本唔夠個樓市升得快，想抽居屋?冇，想買夾屋?冇，唔夠錢想申請公屋?人工又高過入息限制。政府鼓勵生育，我想生仔，都要同雙非逼餐死。到細路哥開始讀書，又要再爭過......
北大人做嘅野，作為一個小小香港人冇得反抗，只恨特區政府自己都唔爭氣
