hermanht

唔單只GBB, 就算快頻槍, 都會震壞鏡, 好多時, 個扭一震鬆左, D人就當支鏡玩完, 其實係有得救同預防的.

但我只知道如何向大扭下手, 如果是細扭, 如Aim point m2果類, 就真係冇辦法, 因為我拆唔到去螺絲果個位.

咁就用mini aim point來做例子


首先就扭開佢果個大金屬o環先, 小心唔好陏到電子板.


然後小心拿開塊電子扳, 呢道要小心, 記住佢ge方向, 唔好跟相, 睇番你自己果個, 我同你可能有出入, 因為如果方向錯左, 你扭去綠點4號, 可能會變左紅點2號, 紅點1號又可能會變左閂鏡. 呢道一定唔可以錯, 錯左最多都係個扭D marking同個功能上有出入, 但都唔會壞.


戲肉來了, 大家睇到果6粒螺絲, 如果鬆左的話, 你個扭就bye bye了, 點衰法就唔講了, 點整番好呢? 你可以就咁扭番實收工, or扭D螺絲出來, 係個絲洞加螺絲膠, 之後扭番埋佢. 等佢乾左之後, 就唔會震鬆了, 當要你想扭番佢出來, 就咁扭就得了, 唔會痴死你的. 但都唔係冇缺點, 就係如果你扭唔實, 就可能會再鬆過, 如果扭太實, 你個扭會同你一齊實.變左會比之前難轉, 但身為一個男人(女人都係打一日game扭一次姐~), 果少少力應該唔算D乜. 6口都加曬螺絲膠, 砌番就ok了.
仲有, 去到呢一part, 就唔好再扭個制, 如果唔係D marking同功能會亂的.


如果是EO Tech 拆開佢係個X,Y軸上面同所有螺絲位加螺絲膠, 咁粒點就唔會震到走位(你依然可以教到鏡), 你鐘意的話, 可以係所有線位都焊一次, 但冇咩必要. 如果是其他X,Y. 你可以係粒制果個蓋入塞D野入去, 只要扭埋果時唔會影響到個X,Y. 就ok的了~

本來想收錢, 但係冇質數ge post送比人都唔會要~

[ 本帖最後由 hermanht 於 13-7-2009 00:31 編輯 ]

hermanht

引用:

原帖由 亞龍 於 13-7-2009 00:23 發表
唔好咁講la........多個有心有質數的post.....一定係好事

我講笑ga ja

hermanht

引用:

原帖由 Zielfernrohr 於 13-7-2009 00:31 發表

咁Hensoldt鏡同Zeiss鏡點整

Hensoldt同Zeiss係唔係同同一樣野來ga?

有開關都係咁整, X,Y有種就落螺絲膠(因為我未試過), 安全D就係個保護蓋入面塞防震膠or有彈性的物料, 用意係迫住佢, 但小心扭蓋果時會扭埋支鏡. 所有用螺紋的野最好都用螺絲膠, 包括鏡mount. 極端D就連一體管都落埋(我仲未試過震鬆啦...) 但係呢加野, 落夠就可以了, 唔好太多. 另外QD最好用一D有lock的, 因為我試過QD都震鬆

順手講埋doctor, 都係大同小異, 個開關就應該唔會震壞, 但X, Y機米就會震陏, 都係用螺絲膠, 但係夠唔夠力我就唔知, 因為仲未試過, 今日試copy min aim point, 個X,Y好實淨, 唔洗加工都ok.

西, mount, 火冒果D都有機會鬆. 扭得太實, 一次半次都ok, 扭多幾次就滑牙比你睇, 玩得4仔D野都裝裝拆拆, 要滑牙話咁易, 我寧願用螺絲膠都好過冒住滑牙ge風險去扭大力D, 螺絲膠可以頂到果D震動, 但係就頂唔到你扭果下, 所以是可還原的改裝.

P.S. 原來我支鏡教左右果個位中左彈 , 睇相先知...

[ 本帖最後由 hermanht 於 13-7-2009 00:45 編輯 ]

hermanht

引用:

原帖由 Zielfernrohr 於 13-7-2009 09:03 發表

車仔舗同模形舗都會有

5金舗都有, 周圍都有. 紅色細細支, 好平的

hermanht

引用:

原帖由 Flanker 於 13-7-2009 16:42 發表
thz
不過552點做
沒相不懂做

來來去去都係咁做啦, 我果支搞掂左, 唔想拆

hermanht

引用:

原帖由 Pvt.King 於 14-7-2009 14:31 發表
acog果d scope有冇得搞 , 見d人成日話開兩槍就要再set過鏡

冇掂過, 你可以試下zip野入蓋壓住佢, 睇下work唔work.