HunterX

真係硬膠到腳震......

HunterX

引用:

原帖由 gd1893 於 30-3-2011 18:57 發表
我咁諗 : 做唔成表演係好可惜，不過，
其實香港，有無條件去推動賽車運動呢?

賽車會搞呢個活動背後既hidden agenda係要政府出錢起個「國際級賽車場」，
或者係香港市區搞比賽。

賽車會講過好多次, 只要政府批地, 起賽車場政府一毫子都唔洗出。

與此同時，賽車會亦引用鄰近既澳門同上海都係市中心搞賽車黎做例子。

咁首先分開睇啦：
(1) 澳門 (市中心比賽)
澳門同香港比:
地方細；
車輛數目 / 密度 少；
經濟活動對公路網既依賴亦無咁犀利；
傳統旅遊城市；
亦有傳統既賽車活動。

(2) 上海 (國際級車場 / 有係市中心鍊過咩?)
上海同香港比 :
地方大；
車輛數目 / 密度 少；
經濟活動對公路網既依賴亦無咁犀利；
路多/路闊;
國家意願興建；

x x x

掉返轉係香港，勉強叫做到「賽道」既路段呢:

(1)由東廊去到西隧
(2)彌敦道至獅隧
(3)公主道
(4)龍 / 呈祥道
(5)西速
(6)青嶼 / 青葵
(7)Tolo
(8)粉錦

唔好計大霧飛鵝呢D喇，
就是但揀一條，封閉三日黎進行比賽，
香港承唔承受到先?

好，起個千億世界級車場呢?
大家又估下尊貴既議員們同偉大既輿論又會點講?

搞街道比賽, 絕對唔會用高速公路

最好就係尖沙咀封幾條街鬥,
TST本身係旅遊區, 商業交通壓力又細

香港根本就無條件亦唔適合去推廣賽車活動，
唔好話F1 / 房車賽，我地連小型賽車都搞唔掂啦，rite?

之前既小型賽車不知搞得幾出色, D國際車手仆到黎玩,
當年維園既香港國際小型賽車格蘭披治大賽, 係全世界最有名氣同最高獎金的小型賽車賽事。

拎部四千萬F1去龍和道跑亦簡直係浪費左部車。
再者，龍和道又適唔適合就咁封幾日比佢表演呢?

另外，如果出個冠軍F1車手黎表演，就必須要比佢用極速係市區奔馳的話，

而家唔係非法賽車, 只係封路表演, 對於安全問題, 我相信人地車隊考慮得比我地清楚。

咁如果Red Bull搵個世界級特技飛行比賽冠軍黎的話，
我地係咪又要放寬飛行高度限制，比佢係旺角上空貼地低飛?

咁講唔通遮?

唔成立, Red bull air race只會係機場或者海上比賽。

整體而言，我覺得呢次係賽車會夾硬黎，同埋搵方向報夾政府遮。

.

HunterX

回 gd1893

> 賽車會講過好多次, 只要政府批地, 起賽車場政府一毫子都唔洗出。
唔知你記唔記得東亞運果陣，果個「建議中」既射擊場地既故事喇。

果個故事話比我知，原來政府批地，唔係單單圈笪地出黎咁簡單呢。
接駁馬路，水電渠等配套，就算車會出晒錢整成個車場，對外連接既呢D公用系統，通通都係政府要駛既錢。

另外，仲要計規畫呢?

唔知正苦有無問李生收日出髒城出面D馬路既建築費呢?
況且賽車場會創造就業, 有錢賺會交稅, 間接正苦都有收益

規畫? 正苦除左起樓仲有咩土地規畫?

>搞街道比賽, 絕對唔會用高速公路

最好就係尖沙咀封幾條街鬥,
TST本身係旅遊區, 商業交通壓力又細

用市區街道就仲大鑊，
我當尖沙嘴路段全部夠闊夠安全進行賽車先算，
我剩係想講，
知唔知每年馬拉松封尖沙咀路段，對全港交通既影響同壓力有幾大?
馬拉松仲要係凌晨跑，跑一個上晝咋woh...!

其實你知唔知馬拉松由邊度跑到邊度?

>之前既小型賽車不知搞得幾出色, D國際車手仆到黎玩,
當年維園既香港國際小型賽車格蘭披治大賽, 係全世界最有名氣同最高獎金的小型賽車賽事。

咁依家呢?

維園就因為嘈音俾政府停辦左!
而家龍鼓灘個場根本就唔夠吸引力, 亦都搞唔到國際賽。

>而家唔係非法賽車, 只係封路表演, 對於安全問題, 我相信人地車隊考慮得比我地清楚。

但從報導中我就唔見得佢地既考慮有幾詳細囉... 當然，可能係政府 (同埋在下)過慮啦。

唔計車, 淨係車手身價都成千萬啦, 唔會求求其其掛?

>唔成立, Red bull air race只會係機場或者海上比賽。

如果話air race只會係機場或海上比賽的話，
其實我都可以話，香港既道路設計亦唔係用黎做賽車比賽，所以呢個提議唔可行囉woh?

無人話過要o係龍和道比賽。

HunterX

引用:

原帖由 gd1893 於 31-3-2011 04:00 發表
o拿o拿o拿，以下純吹水 / 想當然遮，無根無據既...

當無收返「堆填區豪宅」外面既路錢先算啦，之但係，政府賣地比超人有收入woh?
但依家當批地起車場呢? 政府全貼錢，咁就另外一回事啦。

至於「XXX 會創造就業增加稅收」呢個point，
XXX可以係任何野，咁請你話我知，點解要用黎起賽車場丫?

講到正苦收益, 梗係無野比得上賣地起樓,
但係以體育運動黎講, 賽車係最有經濟效益既。

到起好果日，難保唔會有人話
「做乜政府批地起賽車場呢D有錢人玩意? 利益輸送，官商勾結！」
「點解唔搞乜乜場?」

乜香港正苦在意市民既意見既咩?

老老實實，唔講其他，單講叫政府拎地出黎起青少年制服團隊既營地 / 基地呀，
呢樣夠大路夠多人得益啦? 咪又係得個吉?

嘗試代入政治人物既眼光去睇呢件事，
其實真係無咩論點去說服到人地支持係香港搞賽車。

以特衰正苦既角度黎睇, 當然係咩都唔洗做最好。

題外話：其實你知唔知我之前負責D乜?  

真係唔知... 不過馬拉松跑哂東廊西隧3號幹線, 封路既地方點都多過半個尖沙咀啦。

好，我再講細D，油尖旺九龍城土瓜灣紅磡等地，
年中舉辦大大小小十數個各類型各宗教既遊行活動，
平均短短一個至兩個鐘完事，每次同時封兩條街左右 (流動封鎖，即係當前面封時經過左既路又開返)
事前同事後既準備又要幾多?  要動用幾多人力物力?
對周遭既交通壓力又有幾大?

唔講其他，單一個觀音開庫呢，已經偏埋D舊街做喇，又會搞到幾多地方塞車?

依家仲話封尖沙咀?

封尖沙咀, 其實對其它地區影響有限姐, 試問由香港既邊度去邊度, 係要經過尖沙咀呢?

咁即係證明係地少人多既香港，如果要係市區搞賽車，除左交通同安全問題外，仲有其他問題影響到囉...
小型賽車咁細架都搞唔掂，仲房車同F1? 其實你夜晚有無比D非法賽車嘈醒過?

其實無論搞咩大型活動, 都要付出人力物力, 點解正苦搞東亞運就不惜工本, "行政主導"?
點解搞賽車運動就風吹皇帝褲浪?

可能同希望唔會啦，
但依家成件事既發展，比我既感覺就係車會借助緊輿論同「慣性反政府」既壓力霸王硬上弓。

咁就怪正苦自己唔_唔化, _一野行一步

但車會要係龍和道跑部F1，仲要唔講預計極速去到幾多woh?

到時會開到幾快, 我估而家車隊都答唔出, 因為要知道正苦封幾多路, 路面情況同天氣去決定。
講真, 如果車隊話安全情況下可以去到300, 唔知正苦又批唔批呢?

打字打到頭都暈, 其實我都想講, 香港搞賽車, 並非唔可行。

HunterX

引用:

原帖由 m82a1m40a1 於 2-4-2011 00:36 發表

Renault大直路聽轉數同波應該百幾-2百

好克制, 踩到一半就轉波

HunterX

120既然係汽車會提出既, 我收貨lu~~