yiuyiusiu

屯門湖景邨停車場，有私家車由停車場二樓衝破圍牆飛墮地面，全車反轉，石屎碎片四散，女司機被救出，送院時昏迷。有目擊者表示，見到私家車車尾衝破圍牆跌落地面，估計女司機可能踩錯油門；另有目擊者表示，在家中聽到巨響後走到事發現場，發現女司機昏迷，到場警員呼叫時亦無反應

架IS又幾硬淨喎

yiuyiusiu

以前女友住湖月樓，時不時車佢番屋企，街市果邊車路出口無乜人會行過，因為果邊無巴士小巴站出面得輕鐵路，但係好多菜同魚貨車泊係果邊，唔知保險要賠幾多，阿領展一定獅子開大口
話說屯門車位一千蚊租到個

yiuyiusiu

引用:

原帖由 reniless 於 5-1-2016 21:45 發表

咪傻啦，行人路上置有上蓋，路口有斑馬線，會少人用。話埋你知隔離唔夠一百米有兩間中學。無傷及他人係好好彩。

真心我幾年果邊出入，果邊近村車路出口，果邊人多數橫過馬路同集中係街市同OK間大排檔同M記果邊，有時就行多兩步去對面食串燒糖水，海皮果邊間酒吧仔消遣放狗跑步，湖月下面長期有綠的排隊，同果個停車場有好多個出入口，出事位行人路其實好窄唔夠米半同比停車場樓梯封左半條路，正正係班馬線個位，巴士小巴落車亦近M記或湖碧對出小巴站另外湖景路有巴士站，呢個位真係唔多人行！而近車路出口學校近停車場既出口只係停車場，長期唔開，因為我舊時女友細佬讀果間要打排球，要行去巴士站果邊入即近商場，不過無整到人係真係不幸中既大幸

yiuyiusiu

SORRY，我講係正出事停車場果邊行人路，對面係有人行的，我講到唔湯唔水