MANKF

嘩！睇完各師兄啲posts記番起好多嘢！我本身係香港島人，記得70's去露營，第一次買軍品係俗稱〝八爪〞嘅軍用背囊，帆布腰帶，水壺，斧頭....等。果陣係西灣河尾電車路邊嗰間舖買！印象中好多英軍嘢買，不過對一個重係十零歲嘅死靚仔，點係識分真品吖！唔知有冇港島東區師兄知道呢間嘢呢！

MANKF

廣華街間超市，印象中買過兩件嘢！
1. 美軍斗蓬 〈懶形放係車尾箱，諗住落雨時着，後來有啲嗅膠味，掉咗！〉
2. 一碌英軍防暴棍 〈放係車尾箱，以防萬一，當差阿爸教！〉尚存
其實90年代初我買咗架〝錢七〞，廣華街果時賣汽車用品多過賣槍！

MANKF

我成套英軍Gear都係西灣河大和執返尼！記得好平！係唔係唔過一百呢

MANKF

係啲吃喝玩樂嘅咭片中，揾到呢張！

MANKF

嗰時揾佢帮手整番支AKS，話時話，嗰時支拖喉AKS已經係GBB啦，日本仔啲嘢都幾勁！

另外有冇師兄有印象係北角健威商場有間槍舖！大概91年左右，我記得我支Galil SAR 同 Galil ARM都係嗰度買！但唔記得咗咩名
但我最記得係炮台山北角城中心對面，依家間湯圓舖位置嗰間槍舖，大概86年左右，我份人工先係得三千零〈考過見習PI先係五千零〉但我見到支M16A1係一千八百幾，得過恨字  但唔記得咗間舖叫咩名

MANKF

mk23講得啱呀！垃圾站嗰位以前成日見到啲〝椰子糖〞一條條咁運出尼，有次重見到多到放係地上，比著依家告死佢都似！所以有個插香位，最近有冇就唔知啦！

MANKF

引用:

原帖由 sovietarmy2012 於 6-5-2012 00:02 發表


大和模型?轉入去角位?我見到的只剩下招牌....

我是港島人,也是地區歷史迷

刨哂十幾頁,我忍唔住要爆下料

我的腦中,恆年行,中記,中記隔離(我無印象),精藝,曰通,興記,和富對面,war4,m-1,灣仔老莫等的位置變 ...

Soviet兄，其實我都唔記得係唔係大和呢個名，但嗰時西灣河槍舖唔多！位置大概係聖十字徑轉西灣河街，彎角間利基大厦地舖，記得舖位低過行人路，入舖要落幾級樓梯。另中記隔離間舖叫英華，中記老板好識做生意，啲模型可以任開盒睇！英華唔係咁可以！所以啲小朋友擁晒去中記！