麥當娜

今日Lunch 時間, 蛇o左去銅鑼灣 司A , 同店員吹o左幾句水, 佢話遲下有個CQB 場開(唔記得好似話係星期六開定星期六開始接受預約), 佢講就話個場未計set 野區都成萬尺,好似好正咁(唔知堅定流..) 但又好似無人講過,都唔知咩情況, 有無師兄/"知情人仕"有消息& 詳情呀?^^||



唔該曬

麥當娜

探子再探再報~~~

我o岩o岩又落o左去扼水吹~~~今日就見多o左份傳單之類o既野.原來真係響屯門,響什麼鳴琴路輕鐵站附近.
聽落都幾好,內容大概係咁.
佢就話一個時段係比曬一team 人, 唔洗同人爭場, 唔洗間開, 成萬尺打曬,(單一CQB 戰區有有成萬尺,我覺得好滿意了,不過要試過先知堅定流),個場就有幾間磚砌o既屋同有一條長巷,有油筒,車軚之類o既cover. 而個set 野區就好似陳列室咁, 另外就有7-8張台,(而佢講個度有兩層, 二樓set 野, 三樓就打)
一日有4個時段, 收費就150-180 , 租裝備加100咁上下. 但有最低消費15個人. 呢個星期六據聞可以免費入去參觀或者有機會試打. 星期六等收工我都應該會入去行下~~~睇下都好hehehe~~
Book 場就話旺角同銅鑼灣司A 都book 得.

麥當娜

其實我都怕一個人入去有o的尷尬^^|| 咁不如大家星期六組團入逛下啦~~

麥當娜

死啦....我怕我要放飛機....o個日小弟比人<Mark> o左.......

地址話比大家知先 (傳單上寫的,司A 門市拎的~~~)---屯門 建發里一號 愛賓工業大廈二樓

麥當娜

本身打算懶o的唔upload 張傳單上來的....點知咁多師兄仲懶過我,落槍街拎張傳單都懶(hehehhehe), 咁我為人民服務,upload 上來比大家睇下啦~~~ 仲有打過去問,已正式接受book 場.

[ 本帖最後由 麥當娜 於 24-12-2008 18:09 編輯 ]

麥當娜

星期六個日幾經辛苦抽到身入去睇下個場, 個場真係OK wor,(不過小弟未有幸落場打) , 個日都可以行下個場參觀下.

個日都有師兄打緊~~打個時係有個觀戰區睇佢地打, 有防彈膠片隔開, o的職員就話"真係防彈膠片, 唔係亞架力膠, 唔平o架",

個戰區真係有成萬尺, 有師兄話, 個場好似好細, 我就覺得好夠了  ...CQB 嘛 , 幾十萬畝咩~~~最過癮係見到有煙霧玩的~~都有feel o架~~我估玩暗燈,玩埋煙一定好正~~

而佢set 野個區呢, 感覺好特別, 係幾"市正",唔會好似 有o的set 野區又亂又迫,好似求奇搭咁, 我估最多應該坐到50-60人,仲有locker , 有兩部電視可以睇到上面個場, 仲有好似門市咁有得買司A 野,(個日免得好似運柑兼扼野食咁就買o左條天梯同包彈^^||).  

整體感覺良好,會唔會有師兄搞下game 咁呢~~~

麥當娜

其他8 折?!?!?!? 咁咪即係120 大圓?!?!?!??!?  得wor.  有無師兄就o岩時間打閒日呀????