其實多左人講服兵役呢樣野都係呢十幾年既事，由最初因為「六四」而令人懼怕解放軍，到回歸前關注駐軍問題、服兵役到軍費，及後市場上突然間多左好多番黃埔既「少年軍校」，到回歸後駐軍開放日同埋少年夏令營等等，都可以或多或少睇到香港人對解放軍的觀感上既改變，但到日後香港有需要頒報兵役法既時候，又有幾多人會真係肯去服役，始終中國服役年齡為18-22歲，呢個時間正值年青人讀大學既時期，要香港既年青人放棄2年既自由生活，進入一個半禁閉既環境同其他來自唔同省份既人一同去刻苦生活、服從紀律，相信冇幾多人會肯。
我覺得香港人一直以來冇得服兵役係幸福同遺憾參半：幸福既就係香港自二戰後都冇經歷過戰爭，人人都可以安居樂業；遺憾既係冇一種對國家既認同，我唔係只講現在，其實回歸前都係一樣，當時話晒都係英國殖民地，但係有幾多人識唱「天佑吾王」。
自己曾經都番過黃埔既少年軍校，亦做過Sea Cadet一段好短既時間，我承認自己對兩個國家既訓練模式有初步既認識，但個人覺得在訓練上並無所謂優劣既分別，當中最重要既係受訓者能否服從紀律，同埋國情上既需要。
題外話，前面見到有師兄提過解放軍既指揮權，中國人民解放軍係由「中華人民共和國中央軍事委員會」指揮，而「中華人民共和國中央軍事委員會」內部成員都係由「中國共產黨中央軍事委員會」出任，基本就係「一個機構，兩塊牌子」，所以實際上解放軍係可以叫做「黨軍」，就好似W W II時期的武裝黨衛隊。
