引用:
原帖由 parco731 於 16-9-2015 19:13 發表 
求高手教路改Mauri Sinper L96,想將原裝改成打1.8j,要準!!!
本人新手,想求教各路高手教路,主要應該換咩牌子零件等等...例如咩牌子精密管?套筒??咩牌子咩力彈弓?
希望有師兄可幫忙解答...謝謝
玩過呢碌野，整體來說是麻鬼煩的東西，
氣缸細一來支援管長比vsr 短，同時彈弓亦要大力，總之濕滯，未買唔好買，買左試下放，唔想放就睇下面吧。
佢彈弓同vsr 唔同，純粹換力你可以買laylax for marui L96 ( 唔係TYPE 96 ) 的彈弓，
有M130 同 M140 ，買M130 應該差不多1.8J，M140 應該超火。
之後冇咩好換，原裝已經好準。不過基本上呢個力度已經頗為難拉，彈弓很硬，回推亦硬，
可以換PDI ( LAYLAX 好似都有 ) 的 MARUI L96 套件用90 度司牙即ZERO TRIGGER ，一條缸連雞埋單二千左右，不過對火力同準度冇影響，
純粹係拉得順一點，不過個缸筒個外徑同原裝又有少少分別，你要磨三個圈，一個金屬圈兩個尼龍圈，PDI 亦好似有賣 ( 嘜都特規唔知有咩用但錢就要你比左先咁解 )，
呢3 個圈係要邊磨邊試麻鬼煩，磨太多鬆左你就更加大獲，回推時缸頭可以插唔準個HOP 坐，少則插不順，大則插爛HOP 坐兩粒定位硬膠。
內管可換PDI 或LAYLAX 幾舊水一條，不過之前VSR 換左呢D 精密管之後唔覺得特別準，用番老原條銅管都很足夠。
HOP UP 膠用番市面比MARUI 手槍膠就可，沒甚特別，
HOP UP 坐不像VSR 左右夾，不用補鐵甲算一可喜。
其他都冇咩好換，喜歡的可換PDI 血坑管+火帽+ADPATOR ，換左最大用處係有型，成支槍SLIM 左，不過定管就麻煩了，條管一頭粗一頭幼，定管可以要DIY。
另外順帶一題，這支槍MARUI 都出得幾重，成3.5 KG ，加埋鏡4 KG 差不多，唔好再加腳架了重死你。
不過都比起ARES 支AW338輕一點點點，但ARES 整體有型一萬倍。
[
本帖最後由 Dave 於 17-9-2015 13:01 編輯 ]
