引用:
原帖由 gainax 於 22-1-2017 08:14 發表 
我覺得除非件野落左好多心機時間金錢整等錢洗放二手,人地收左轉頭放得平好多似仲唔好feel, 好似枉費左自己心血無人珍惜
人地收左放得貴又放到仲好代表有人識貨,最驚無人要個下先尷尬
其它野無乜所謂 ...
其實賣2 手講效益，一定係直版無改最好放，
所有改裝除非係「必改」例如VSR 零雞之外，所有「升級」其實都沒有價值增益，
買2 手果個基本上都係用原裝貨來計價，心機呢D 野價值近乎$0。
所以如果預左賣2 手既野最好嘜都唔好掂，改得預左賣唔出或者當原裝賣。
那些甚麼「花了5K 改現放3K 」都是得啖笑。
至於2 手店有冇錢賺，其實最大問題都係鋪租，
香港所有街鋪行業都面對相同問題，賺錢唔難，但賺到夠COVER 租金再COVER 人工再有錢淨就唔易，
好似一間賣魚蛋腸粉燒賣既100 尺鋪仔，6 萬~ 8 萬一個月SELLING ，扣埋人工15~20 K 來貨20~30 K，其實扣埋都仲有3, 4 萬賺，但一扣埋租金可能3 萬銀就得個吉，
一萬幾千衰過打工，仲未計維修管理費機器折舊漏水火燭穿櫃桶底跌爛野，一扣埋真係白做。
2 手賺價不外乎低買高賣，但低買得一定有多少問題，可能整一整行得走得賣得，但幾支就話，如果收20 支... 邊有時間人手整呢？
請多個人整？即係自己份糧送埋比人了。
商業呢D 野明買明賣無話奸唔奸，始終唔涉及欺騙，平收得可能真係等錢洗或者結婚生仔養狗搬屋要急放，執到就是本事。
在本人而言，比較奸或者我睇唔起的手法就是「呃無知」，明明$100 蚊完事既野嚇到你比足$1500 埋單仲要好似幫左好多咁，
雖然「無知」真是預左比人昆，但去「收割」呢D 無知者既人我是頗討厭。
至於2 手店做唔做得住，我會覺得「賣平野」的唔會做得住，賣「高價珍品」既會做得住。
[
本帖最後由 Dave 於 22-1-2017 11:24 編輯 ]
