引用:
原帖由 reniless 於 16-7-2014 08:50 發表 
唔係，係行為上唔好畀人睇到自己有過大反應，
就好似畀人覺得你前世未見過女人咁。
我既做法係... 未有拖拍的時候，是會同時聊2, 3 個女的，keep contact only，
會約食飯or 睇下戲，正宗漁翁撤網，基本上約得幾次.. 就知有冇下聞，
明顯收得皮果d 就拋售搵其他優質股... 呢個方法絕對有效，但大前題係自己可以隨意抽身，唔會盲毛咁撞埋一個度。
自己既概念係，只要一日未大家互相點頭認定，我聊幾多個女仔都唔算花心
但當一個已經開始左 ( 我老套d 係會講到明一齊 )，佢ok ，咁就可以開始收蓬回岸，其他女既然冇咩真正牽連，突然唔約佢亦冇咩大問題..
衰d 講句：just fd ...
當然約得的女都要滿足一個條件，就係：如果個女點頭，你是會接受的。
咁如果有其中一件半件立心同你一齊，你就可以埋單走人了。
如果一開始預左唔會食呢件質素的，就一開始約都唔好約，浪費大家時間得很。
係 24 歲之前我都相信做人應該一次只追一個，人家就算對你無心你亦要專心云云... 但慢慢睇到，
呢種戰鬥法動輒半年長則一年，風檢高回報低，同埋其實d 女... 好多時亦同時接受緊幾個男人的邀請...
呢個時候就要學識「方法」，需知道真材實料的美食，放在長州靠北鋪位仔都是沒人會買的，
有射自然香，係打柴果個香，試問而家出名食肆有幾多間係超好食？講真我隊就排唔少不過好好食真係.. 算吧..
真材實料，但包裝同樣是很緊要，銷售得宜都是很緊要，自命一流打死都唔肯開鋪係旺區話係低俗，同樣的感情戲每天在上映...
花心跟漁者有分別，就係當你釣左之後，你係真心釣條魚定係又搵其他黎釣，只要開始之後真係一心一意，過程中又不會傷害無辜，已經是相當好的情況。
