Dave

雖然自己唔算特別喜明窗，但明窗做咁多年鋪，係咩店大家心中有個譜，
若果話此店會焗人買野自己未遇過，亦唔多信。但自己有眼睇，見到對方開盒新盒出來已經要出聲澄清一下係睇未必買，
因為真是未見過有店會開盒新貨去比人「睇下」的...除非你表示左如果盒入面支槍無問題會比錢買。

Dave

自己在明窗大大話話買過十支八支槍，記憶所及每次都是開盒問你有冇花，
無花先比對方入彈入氣上匣，試打。
當然可能巧合，也許有些買家真的遇到「開盒幫你射幾槍」情況，
明窗如見此post 不妨注意一下 ( 勿論有沒有發生過 ) ，
玩家見此post 可以多留意一下買槍的程序，如有不妥當之處應及時開聲。

另外回上文，如果「入彈入氣」後，到買家手 (未開始試射或操作)已發覺槍支有花有問題，
絕對可以要求更換第二支正常貨，如果全店都是花槍爛槍問題槍，有權要交求易中止。
這是消費者權益，購買時有權要求貨品全新無損。

Dave

引用:

原帖由 tf141 於 20-11-2018 23:50 發表
我唔認同，我清清楚楚講到明只係要睇下
你拎枝新既出嚟你既事，就算真係開過鎗我都唔會認頭，大不了報警
唔理你賣鎗呢一行係幾咁高竇唔憂做，我係消費者我唔怕你玩野
冇事唔會攪事，但有事就一定唔好怕事
...

呢D 野好睇行頭，
零售業比錯貨你頂多都係一換一，好少可會跟進「客人得到錯誤貨物後的損失」，
我覺得呢個情況下，師兄應該交番一隻「獨立」的TRIGGER 來一換一，花左亦沒法，店家錯先。
如果呢個都唔肯就抵鬧。
至於要求店家幫客人拆開支槍再拎出TRIGGER 換隻岩既上去，相信對方唔會肯。

以前做過成衣輔料，呢D 一錯就大獲，例如客人要紅色牌，你比錯藍色，
客人釘左上衫，包裝，SEND 埋去美國，去埋鋪頭，上埋架，之後品牌發現錯色，
我地公司係要賠足，紙牌錢、工人手工、包裝費、連輸費、上架費、之類之類...

當時見過隔黎TEAM 有個資深的做錯一批貨，講緊幾十萬份輔料，即係幾十萬件衫，結果公司賠償 50 萬 HKD 比對方...
仲要對面成TEAM 人幫手執屎成半個月。
當年呢個資深員工隔黎TEAM，我跟他河水不犯井水，但成Q 日鬧D 新仔「醒D 啦」，事後好似冇聽過佢大聲鬧人了。

當然對方可以要求賠償咁大，係因為對方一年可以落數百萬HKD ORDER 予我司，唔賠就冇左個客。
但零售...你唔買...罷就...

Dave

引用:

原帖由 tf141 於 21-11-2018 11:10 發表


冇諗過叫佢幫我換，只係要佢拎番出嚟啫
如果當日師傅唔肯再幫我拆番出嚟，我自己點拆？
就算我識拆都冇工具啦，唔通我番屋企拆完又唔知幾時拎番嚟退咁咩
到時佢實唔認數啦

如果是即日又身處槍街沒工具在手，可能我都會要求對方幫手拆出來，至多我回家自己砌番隻新雞。

至於果句「你師苦功力未夠沒留意」呢句就真是廢話...沒水準的回應。如果果日夠訓清醒我會即時回應：「正如你地d 店員咁冇水準囉貨都拎錯」。

Dave

引用:

原帖由 jn_jona 於 21-11-2018 11:25 發表

50萬仲未比人炒

蝕錢同炒人好多時分開處理的，

炒唔炒佢都係要蝕...主要睇個員工知唔知衰同本身能力足唔足，

果個g 深本身係跟得好既...老貓...siu so

Dave

引用:

原帖由 我當你透明 於 21-11-2018 19:20 發表
其實就係一個循環
態度唔好，無客幫襯
無幫襯，無收入
無收入，左cut右cut,降低成本
降低成本就可能降低埋員工質數(就好似個4眼長毛咁)
員工質素差，又去反態度問題
無限loop.....

生意係咁...計掂數RUN 盤生意唔難，但好多時RUN 到落去各種小問題可以令你賺都變蝕。
所以「管理」先咁重要，重要到可以成為一個術科。
然而賣玩具槍有一個好處，就係行頭窄，數埋出名既十間都冇，無太多競爭者要算計，好多野可以計岩數先出招。
好似明窗，普遍黎講都係平人地幾草野，只要態度唔係真係太劣，唔憂做的。