Dave

其實唔好常常用消費者的角度去判定一家公司是否「固步自封」，討好客人只是一個提升銷量既「手段」，不是全部。
成本控制，存貨，物流，廣告通通都要考慮。十種產品，總有些賺總有些蝕，細公司彈性比較好，7 種賺 3 種蝕都可以多除少補，
但大公司，分N個部門，就是分開部門問責，這是大公司的缺點，就是盡量不冒險，但勝在穩陣。

至於膠身手槍是否冇市場？ 其實一系列產品成功定失敗，睇一樣野就夠，就係佢是否仍不停有新產品出，
例如馬記膠SLIDE GBB 手槍，出完一款又一款，已經很好說明了這是一個值得公司繼續投資的項目。
繼續出不一定代表其質素高，但一定代表有利潤。

Dave

引用:

原帖由 gainax 於 15-5-2017 10:15 發表

馬記野一改之下實貴睇返電槍,vsr,膠手槍。。
唔改又唔係話好耐用質感又麻麻始終一灌作風是abs膠+亞鉛只預你打慢打細力打134a,追佢D野砌好支鋼件M4=3k槍,2~3k成套內件,2k前節。。。
手槍=8~9百,1kcnc滑架/外管,幾 ...

hi capa 手槍我淨係換左slide 600 蚊，內管 190 蚊，150% hammer spring ，連槍930 蚊 ( 貴呀果時8 算9 算 )= 1720 ，
2009 年買一直都是主力副槍+ cqb 用槍，今時今日仲係用緊果時買的2 隻匣，支槍冇壞過
不過手槍我都只有唔夠十支係marui ，其他都係買台仔金屬身抵玩，但主力手槍買marui 無問題。

至於電槍，次世代改日本仔件cost $500，改shs $200。
marui tm m40 改1.9j ，40 米中燈柱既價格係 $300 ，識改其實可以好平。
藥石亂投狂買補品除左促進經濟之外冇咩益處。

Dave

引用:

原帖由 gainax 於 15-5-2017 15:12 發表
平有平改貴有貴改,我預算個D料一次性投資安心無頭痕,
比起平個堆料軟又要執執搏運氣,只差個幾舊水其實長線同短線投資分別
如馬記淨改一部份其他件就加速損耗, 真係不斷操要耐打以萬飛計例如打比賽咁就要成支改哂 ...

其實有個概念係很錯的，就是「有補品出 = 原本支野有問題需補強」，
敢問補品出之前會做多少測試？而家所謂「補品」，連優化幾多的數字都冇，一味UPUPUP，UP 嘜？唔知.. 用左先算。
以為掟多D 錢落去就一了百了是一廂情願的心態，多少賣到貴一貴的補品錯數執餐死你唔係唔知，又UP左幾多？
衰D 講句，市面補品如果有2~ 3 成係有實際用途的話已經偷笑了，
當然商業社會，你賣得槍我出得補品，差佬唔拉的，但如果以為比錢= 一步到位，我代第三廠多謝你

如果單論在下支次世代，用左3.5 年，一年平均打 6~7 次GAME，一日打4~6 節( 呢幾年都是上下午用不同槍玩但多數有一半時間是次世代)，
一節打200 發~300 發，未計整槍時測試同打固定靶果一堆，最保守打你3~ 4 萬粒BB，
8 ~ 10 包BB 彈話多唔多話少唔少。
換PISTON 係得閒拆開時見到天梯開始有明顯磨損所以換新，盛惠 150 蚊LAYLAX 貨。合番埋又係行得走得照打可也。
真心唔明你話嘜野改槍就加速損耗，其實你幾多年冇玩AEG，何解又可以咁「了解」次世代點玩法又有咩弊端？
想超耐用十分簡單，打原裝0.7J 力嘜都唔好改，用原裝車仔電，閒閒地打你十年八載。

至於你話IPSC 手槍答你唔到，我唔玩IPSC，手槍使用頻度亦不算重，你不如問番D IPSC 師兄應該揀咩槍。

[ 本帖最後由 Dave 於 15-5-2017 22:04 編輯 ]

Dave

引用:

原帖由 gainax 於 15-5-2017 22:27 發表
其實上面段話我UP緊GBB ,
馬記AEG原廠都保證3萬飛無問題,只要唔太過改快同改大力其實打3萬無問題應該合情理?
不過電槍打3萬其實唔算好耐用掛?始終馬記野唔大熱門個D少補品,原裝只係亞鉛打爛就頭痕...當要訂 ...

我之前提及日本料同 shs 料改次世代，你quote 我說不用平料要用貴料買安心，
我理解為講緊電槍，尤其是師兄你不停說膠身亞鉛追不上時代云云...
btw 我說的仍然是電槍。
3萬飛唔算特別多，不少槍也可以打5 萬發前後。但重點是要5 萬發期間完全沒操作問題，火力不降，準度不劣化才是難處。
btw 馬記aeg 補品多到唔恨是常識，但其實次世代補品也很足，
先不說運作部件天梯齒輪不止一個牌子有，就連小零件香港亦有一些鋪入貨，wgx 也見到有不少m4 次世零件，基本上可安心遊玩。
如果玩到甩皮甩骨，更有老翻army 完整次世代波箱可買，幾舊水貨仔而已。
其實今時今日不需要特別撐某些牌子，出得好便玩，馬記舊aeg 今時今日自然沒有甚麼吸引力，
但次世代/ aa-12 等電動產品仍是很有可玩性，雖然說馬記原裝力是0.7，但說馬記特別易壞，不見得。
單說近年出的aa-12，原裝0.55j，在下改到1j 以上，用的是4x 磅力的m190 彈弓，
整整加了一倍loading，也已實際拿落場玩了全日，沒穿沒爛。