睇哂兩邊台post，不知是否同一人開，不論。
個人覺得近排不停有airsoft 為害人間新聞，一來是流行，二來是有心人乘機抽水，
客觀來說，airsoft 界仍是那個樣子，要說劣化得特別大的日子，應該是國狗當道，人人一槍的時間，
然而我都係果段日子入行。六、七年了吧，
那時國狗支支大大力，幾舊水一支，大力彈弓處通飛，要做新聞，那時才是一流時間。
為何到今時今日才突然爆出如此大龍鳳？說穿了就是天水圍那條導火線，而爆得起亦係時也命也，冇咩特別原因。
要說射動物射人，自久有之，之前偶然亦有片段小朋友射馬留之類，不過睇完鬧完就算。
但而家火頭起，就連之前單工業用品 + 水候射鐵珠亦入埋我地數，公平嗎？ 不公平，有人說話嗎？沒有。
落水狗人人喊打就是呢個道理。
做事要想深一步，或兩步，或很多步。
記得之前一篇教人管理還是甚麼成功人士文之類，頗有深義，一個ceo 行過工廠，走過，見到有些油在地面，
經理當然知唔妥，叫人拖，又話安排以後會派人管理呢 d 清潔問題。
後來ceo 想深一步，再想深一步，才知這是工廠資源管理同溝通問題，令到買入的呢批候管不能更好，以致呢個滴油現像，細節不記得了，大概是咁啦。
我正想說，而家我地就是抹緊呢一劈「油」，但如果個源頭管理不好，我地仲要抹多幾多劈「油」呢？
鐵珠從來不是問題，我雖不玩打巴射擊，但都知呢d 係競賽用彈 ( 佢寫住的... ) ，河水井水，何德何能去禁佢？
M170 超J 彈弓？ 夠工業彈弓硬嗎？挽鞋還未夠班也。
WARGAME 從來不能登大雅之堂，正如李麗珊拎金牌前，你識風帆嗎？做葉問之前，你識詠春嗎？真係識春。
小眾玩意變成人人接受的東東，也是時，也是命，也是運氣。
此刻，我地只可以做好自己，賊仔D 講句，風聲冇咁緊時就冇問題架啦...
