估得中係一件事 ( 香港地... 打GAME 不外乎0.25/0.3 為主 )，有數得計又係一件事。
科學精神就係要實證，即係例如拎十支槍，每次槍開一次 ( 寬鬆D 開三槍 )，
估番用緊咩彈重同埋火力有幾多，估中8 成左右就真係可靠了...
所有理論都需要實測為準，正如PDI 係D 內管包裝寫6.08 係集彈好D ，
6.01 係初速高D ，我引申番都只會說「PDI 係咁講，我未測過，聽住先」。
呢個係科學精神，沒有精確而接近100% 的認證方式，就只能說估計，而不是精密科學。
而科學認證一般來說不會用肉體黎做測量器具，因為普遍認為人感是不可靠的，
如果DG 兄做到百分百，或者80 % 都好估得中，呢個唔係科學，係特技。
日本仔個測試都有睇過下，大意係重彈飛長距離係可以保留更高動能，
輕彈的速度衰退比較大<-- (但我個人認為衰退率高不是輕彈的問題，而係初速，愈高速度風阻愈大，衰退愈大，即重彈但高初速，佢個衰退% 都應該很高)，
呢個係實測可靠的，但DG 兄引申為「基於這個理論，我能夠估計到對方火力同彈重」，呢一句說話並無實證，
你亦只係係單一測試(我估中佢係用緊0.3BB )中成功過，並無追加測試，
其實一場GAME 最少十幾廿人，DG 兄可以做個測試，帶住耳塞免得聽聲，射手係你背後開槍打向遠處，每人開一槍比你睇彈道，
估下究竟係咩火力同埋彈重，以師兄技能，估中6, 7 成應該係基本成功率。
有時熱誠是好的，但當在某項目投入過深，可能自信會隨之上升，
直至去到一個離地的狀態，咁就唔好了。
[
本帖最後由 Dave 於 24-11-2015 07:29 編輯 ]
