Dave

引用:

原帖由 deltaboy 於 3-1-2019 12:56 發表


根據師兄所講佢係冇經海關批准進口任何打火既槍械零件 點解唔係違反進出口(戰略物品)規例 係涉嫌「無牌管有槍械及彈藥」及／或「意圖危害生命而管有槍械或彈藥」唔係進口戰略物品？
師兄指教埋

其實控罪係由律政師提出的，你問呢度d 師兄都冇咩用。充其量都係常識推論。
至於為何警察拉人+ 執走埋咁多似乎是玩具件既野，
原因係警方係執法者，佢無權亦無需亦理應沒有能力即場判斷該零件是否真是否假，是否違反法例，
佢只需要按常識判斷該件東西是否「有機會」有關，哪怕是一樽寫住gun silicon 既樽、一個比bb 彈射爛既汽水罐佢都可以執走。
正如稅局查你逃稅，除了數薄同電腦，
只要見你係紙哪怕是廁紙memo 紙甚至乎成個垃圾桶d 垃圾包走都仲得，唔需要亦唔到佢判斷件野有冇用，
拎到番去再由調查科判斷。
呢個係權力範圍可以做的，擾民的話可以去投訴科投訴。
正如好多師兄會話：犯咩法？做咩拉人？
其實警方係可以任何地點任何情況下拘捕任何人士，這是警權，只要警方主觀判斷並懷疑你犯法就可以。
當然亂拉人後果係會比人投訴到爆炸甚至民事索償又是警民公共關係的事了。

Dave

引用:

原帖由 pbay 於 4-1-2019 10:42 發表

亂源係掌權果個唔守信用麻
按承諾推真普選咪唔會亂law,
三個師可以解甲歸田, 警民關係都唔會搞到今日咁....

英國佬脫歐之前都覺得脫歐之後英國會飛黃騰達的，
民主就是少數精英加一大班傻仔一起決定一件事，而他們的發言權是一樣的。
總有人認為民主是靈丹妙藥普世價值，卻不知所有規則都有利弊。
如果所謂「真普選」是讓持有「香港獨立」取態的人也有機會做特首，那所謂「真普選」不過是被獨立派騎劫的義旗而已。
2014 年至今不過4 年，滿街都是港獨分子，有人天真得認為這些組織及支持者在4 年之前不存在嗎？
不過是玩騎劫普選義旗不成，迫著要玩武勇抗爭而已，反正死的拉的總不會是首腦，而是馬前卒。

Dave

引用:

原帖由 gabriel_wong 於 4-1-2019 12:06 發表

我覺得民主政體唔係完美,
但在民主政體下,執政黨係作出每一個決定都需要同選民交代係最公平,做得唔好就選過第二個
想問下閣下覺得咩制度先係最理想?

但在民主政體下,執政黨係作出每一個決定都需要同選民交代係最公平,做得唔好就選過第二個

理論上係，實際上唔係。

要做到自由民主完美執行，首先要的大前題係所有選民都係有充份智慧去決定每件事往最好方向行，
但事實上唔係亦唔可能發生。大部份民主國家的實際運作都係兩個或更多的勢力去拉鋸，偶然出現反智結果或者因拉鋸而出現的運作停頓。
例如而家美國停擺都係所謂民主政策生出來的一種結果。
好定唔好？當然唔好，社會機能不全，政苦拖糧，受影響的是市民，
公園唔開垃圾堆積影響唔到高貴的議員的哥爾夫球場，但影響到星期日才有休息的一家大小玩樂時間。
但只要笠番一個「這是體現自由民主的代價」光環，臭都可以話香。

[ 本帖最後由 Dave 於 4-1-2019 12:33 編輯 ]

Dave

引用:

原帖由 pbay 於 4-1-2019 12:19 發表

我個人覺得啦, 有真普選基本上已經無乜藉口搞港獨.
港獨係因為一國兩制承諾破產而衍生.

唔可以淨係執住個結果去鬧, 唔追咎返個源頭.

但考慮下如果當時的條款是批了，即係「反對一個中國」者都可以入閘，屎忽撞屁又比佢夠票當選，
真係坐等解放軍入境了。
想攪獨立反對中國管治的的人從來都有，不關普不普選事。
何況當時占中的口號主要有三個，一係居住民生問題，二是689 下台，三是我要真普選。
民生問題是事實，尤其住屋。要真普選也是可以談，但雙方也很硬談不了。
至於689 下台我覺得是可圈可點，有點像睇得TVB 多見到石榮璋就好嬲咁鬧佢奸人堅一樣，媒體抄作居多。

Dave

引用:

原帖由 pbay 於 4-1-2019 12:30 發表

補選係政府DQ造成, 億幾已經唔係錢,
元朗一條行人天橋都17億, 一條高鐵800億, 一條三跑1200億, 遲下大嶼山填海又幾千億
權力無制衡就係咁.

根本普通市民一路硬食緊, 攬唔攬炒無乜分別

補選係政府DQ造成, <-- 而DQ 是由議員玩野玩過火造成的，不鬧人反而鬧消防員出動浪費公帑。

撥款是經投票決議的，投票者是獲得市民投票支持並獲得代言權的尊貴議員作出的，( 順帶一題，三跑有泛民是投讚成票撥款 )
投票權是民主制度的重要構成。為何結果不滿意時又要求「制衡一下」？
如是者，當年普選表決時被否決，是否又要有些東西「制衡一下」強制通過？
例如國家主席可能來投一下票，一票代表了中國人民 11 憶票，如果可以這樣玩便好辦了。

[ 本帖最後由 Dave 於 4-1-2019 12:43 編輯 ]

Dave

引用:

原帖由 pbay 於 4-1-2019 12:44 發表

中國從來都唔止一個, 中華人民共和國, 中華民國, 客觀事實如此, 唔明講事實有乜問題.
解放軍97年已經入左境. 佔鐘隔離就係軍營, 要出坦克一早出左.

訂基本法果陣已經講左港人治港, 佢理得乜野政治思想既港人治 ...

在下只知一個中國，一個未收回的台灣島。中華民國算國家？ 美國佬都不敢認，香港人就少充英雄了。



香港亂像或者可怪一下十年前政治冷感，十年後政治熱血的香港人，衝動是夠了，判斷是非的能力尚有待發展。
也可以怪一眾斷章取義的市民，並聽完後深信不疑的聽眾。

港人治港，高度自治大家談得很高興，但問他們第一句時甚麼，卻少有肯大聲說的，就是「一國兩制」。

鋼目弄不清楚，只拿著細目去高舉，主綱卻提也不提，只願意選擇性遵守，只知權利，不知責任。
一國不認，何以談兩制，何以談高度自治？本身就是一整塊談出來的東西，有人愛春秋筆削，再自行洗腦也沒法。

[ 本帖最後由 Dave 於 4-1-2019 13:02 編輯 ]

Dave

引用:

原帖由 goder69 於 5-1-2019 14:51 發表
乜咁多人又民主上身。
Dave師兄, 唔好嘥時間同佢哋討論, 愈講民主
既X愈唔講民主

講兩句無傷大雅，各人也有各自表述的權利，
但在下畏高，太離地會好驚所以一早走定先。