以下係小弟嘅親身經歷, 如果講完唔啱聽嘅我都無法
小弟工作嘅地方係地盤, 師兄們大可以笑我只不係一個地盤老粗, 以非專業去批評專業(節碌自樓上一位師兄)
話說小弟嘅地盤因為種種原因(包括地主, 業主, 自己公司高層), 好多基本但係必須嘅防盜措施都未能執行. 好快呢個地盤就變成咗地盤老鼠嘅溫床, 盜竊事件時有發生, 仲要d贓物一次比一次大件同埋多
有一次, 地盤又比人報警, 我地如常打電話報警, 並一早extract晒相關嘅CCTV footage, 嗰次仲要係影到一班擬似賊人進入地盤
無幾耐,2名PSU軍裝到場,望過現場環境, 話呢d係CID case, 唔係佢地做(我都明白, 都唔係第一次報警), 之後報咗電台叫CID到場. 奇怪嘅事就開始發生: 有一位師兄(UI 10XXX)不停0係度講電話, 我仲以為佢係做緊公事, 原來0係度同朋友吹水~!另一位師兄(UI 14XXX)仲犀利, 全程目不轉睛玩iphone!當時真係有小小火, 不過算啦, 佢地只係cordon 現場, 所以我無出聲
之後, 一名CID到場(UI 46XXX), 照樣同我同埋security套料, 同埋睇CCTV, 但係當我show完影到擬似賊人入地盤嗰段片, 佢就同我講叫我有時間去消案!!話呢D case無得搞, 呢d只係小case, 點解咁煩…當時我無應佢, 因為我係普通民, 佢係警察, 同佢有乜衝突我無著數, 但足以令我對現今所謂警察改觀!!
警察嘅工作唔係捉賊同埋維持治安嘅咩??!!竟然叫報案人唔好報警?係唔係我唔記得封老毛比個CID?!定係我對香港警察嘅要求過高??變咗做刁民?用水馬將示威人士好似動物咁圍住, 對住著六四t-shirt連口號都無叫嘅普通市民, 問多兩句嘅記者你地就飛身撲埋去捉, 查案捉賊就話無得做?!仲要喺大庭廣眾下著住制服蛇王?我個地盤每日都有成560人開工, 最起碼都有200人見到佢地嘅行為!
利申:小弟從來無去過六四晚會, 七一遊行
