第一個
話說村裡面有一個首富就大宴親朋請晒所有村裡面ge人
首富話:" 你地咩禮都唔洗帶, 每個人拎一支酒黎...我地一齊創一個記錄, 飲最好的酒!!"
於是到大宴親朋當日...首富就將村民ge酒倒晒落一個大碗度...
就叫大家拎一個杯裝...未幾...
"乾杯!!!"
"嘩...水來的..??"大家好驚訝...
首富就話: 咁係因為大家以為其他人都會付出努力, 自己就唔洗俾....結果個個拎支水黎...以為唔覺唔覺..呢個世界冇免費午餐..有都係呃你!!"
個午餐之後點唔重要, 重要係俾村民知大家唔齊心係做唔到大事, 賺唔到大錢!!!
第二個
有一日, 有個後生仔想發達..佢問首富佢點先可以發到達..首富就話深山有個老伯伯....佢可以教你點做
幾經辛苦, 個後生仔搵到個老伯伯, 仲請教佢點做先可以發達
個老伯伯就話: 好...不過一齊食左午飯先..
話畢, 老伯拎左三碗飯黎...分別係大,中,細碗白飯...就同個後生仔講...
"我地鬥食得多...."
二話不說 後生仔就拎左大碗飯係咁食食食...
老伯伯就拎左碗細的慢慢食...
好快...老伯伯就食晒手上果碗, 然後拎埋中碗飯黎食...
後生仔睇到佢咁做就明白晒
原來細碗加中碗的量係多過大碗的...
事實係...我地好多時太計較眼前的得失而忽略左好多背後的成果...
記住...要放眼未來!!!
最後一個...
有一日, 海洋裡面有三種動物係度討論...
墨魚話: 嘩...如果有敵人黎...我一定噴墨走先...佢地都未見到我我就走左~!!
旗魚就話: 車...我游得咁快...一定冇野追到我...
蜆就話:哈哈...洗乜走架?我合上個殼咪得囉...
突然....真係有敵人偷襲....佢地各自用自己的方法保護自己....
蜆就自己合埋左, 仲話..."等我訓陣先..."
過左好耐好耐..蜆發覺周圍冇咩動靜就打開少少GAP
"咦...個環境有D陌生哦..."
再打開多D....見到面前有個牌寫住..."蜆 13/斤"
原來蜆已經俾人捉左...好快俾人買番去煮黎食...
故事教訓我地做咩都好...唔好咁老定
先知先覺係好事...
後知後覺都唔差
最差GE係 不知不覺...
故事講完....多謝收睇..
