fai84

我眼中社民3條友,響立法局入作用可以比喻為古代諌官,你可以參考魏徵,唔好以今日既角度去評價,你試下從當時紀錄去睇,比而家3條友D評價同你地所謂乞人憎既程度唔係好幾多,魏徵都成日話李世民殺兄殺父上位,當時李世民都比佢鬧到7個一皮,成日比人彈劾,但當時皇帝開明,懂得接納意忠言,換到唔錯既成績
任何人都知道佢當權既機會係差唔多係0,而佢地都知,佢地都係想做好諌官職責,
有人形容佢地廢,做唔到野,淨識搞事, 做唔到野唔係佢地唔想做,係佢地有心無力,自己睇下立會票數分佈就知,搞事令人留意,至少製造話題,令選民比壓力比其他政客去投票,但係今日聼到一位功能組別議員講投佢票既人想佢投反對,但佢投支持,咁又說明D咩?
古言有云,時勢造英雄,先唔評佢地係英雄定狗熊,但係咩既時勢造就佢地?點解有咁多人要經佢地發言,咁多既怨氣而令佢地入去,但點解政府唔能夠減少怨氣而令佢地出去?定係好似其他人所佢地入先至做成市民既怨氣?
長毛之前既失言,比人響會議中圍攻,今日佢都講明議事還議事,佢唔係響議事時間話司徒先生,唔打算響議時間討論,唔會響議事時談個人問題,個人人格問題響議事時間內聲討別人,到底邊個浪費時間?人格問題,司徒先生同長毛識左2-30年,都係熱血之人,言談仲要客客氣氣?今日聼既佢回應,我完全聼得出佢對朋友個仲義氣,當然你要因為佢個人失言既問題而批判佢,佢都接受而家比人離棄既結果,但佢都講明唔好浪費議事時間去批判佢,
雖然我知呢度出D咁既文,會死得好慘,但係我都係忍唔住想講下....

fai84

逢政府必反?我想知多d例子,佢地都支持政府加生果金,但係反對要入息審查又算唔算?
諫官係議事論事，但他們不是，更作出很多非必要的人身攻擊
諫官，職能為對君主言行等違失進行直言直諫，勸使其改正錯誤。唐太宗時期的魏徵則為好例子，魏徵進諫二百多次，促使唐太宗更正錯誤。諫官系統作為皇帝的監察鏡，及時糾正不少決策錯誤，避免禍國殃民之政。
犯顏直諫太宗二百餘次。唐太宗講過"會須殺此田舍翁",你估魏徵講左d咩好話,我唔係比喻佢地係魏徵,只係想搵個比較敢言既例子
月前金勞詹同癲狗個場紛爭明顯係一個例子，只有佢地鬧人，人家反擊便是萬般不對
金勞詹無還擊?
http://www.youtube.com/watch?v=Av_nz8t33YA

聲大夾惡好多人都唔鍾意,但係"似石頭木頭的話得到注意嗎?' 對人而不對事, 佢地成日針對某人某黨,但該黨言行有無出賣市民?口裡說就一套,手裡卻是另一套,局長,司長部門出錯,問責又算唔算對人?

[ 本帖最後由 fai84 於 25-6-2010 03:46 編輯 ]

fai84

我引例子,係想指出佢地存在既價值
問非所答?你指人身攻擊係指司徒先生定指詹先生?一件還一件,你啱議員係要響議事廳議事論事,但係出左議事佢係以一般人身份發出呢D言論,而唔係作為議案而提出,但其他人用議事既時間去聲討佢又係唔係啱?回歸原點,佢同司徒識左咁耐,言語會客客氣氣,有D野同女人講佢地未必明白,但係兩個識左2-30年血性漢子,你想像下佢地平時係點粗口滿天,亳不避忌,無所不談,不難想像沖口而出既說話程度,當然司徒先生今日走左上道德高地,長毛既錯如果係要聲討佢可以開記招,而唔係用上寶貴既15分鐘入面去聲討,而且其他人加把口去點雙方咪更難落台,咁佢地居心又何在?作為私事,我唔打算用長毛既方法去解釋,我著眼係佢辦既事,佢盡力做左,無成果都唔係佢能控制,至於人品方面,不打算理會,能力同人格唔可混為一談,如果強拉左一起只會壞了事情,比個例子你:邱吉爾生平
明車馬對著幹是無效果的，談判，協商係另一出路，難度仍然要游走舊路，再繼續原地踏步？由港英政府年代至今，己經多少年？還要無了期地等嗎？真係無效果?以一般人認為過激既變相公投黎計,票數上你可以話失敗,但係成效呢?你搵下中聯辦,李剛接見民主黨時講既破冰原因係咩,俗D講,民主黨係踩住公社兩黨既屍首而上,如果無佢地民主黨可以有咁既機會?要游走舊路，再繼續原地踏步你有睇余曾辯論就會有答案,比多少資料你,基本法定明,只有特首有提出政改議案,談判，協商由上次否決之後,立會上有不同議員比過提議,當中既提議,包括埋今最後版本既提議,但響大綱既階段已經比特首否決左,所以今通過既版本係只有大鋼而無細節,參考以上要游走舊路，再繼續原地踏步既始作俑者係邊個?
金勞詹還擊,我可以話比你知兩面都錯,一金勞詹如果聼到人地傾野,唔滿意應該係要主席要人地收聲,而唔係拍人地台,黃生使用粗言穢語都係錯,呢D情況讀書時應該見過,大個左都應該已經了解

fai84

如果要講數據,你可以參考港大星期五既,原方案既結果,係反對比支持多, 點解用新方案既數據,因為正式而言係得22/6一日去做,而且好多知改左而唔知改左D咩,數據準確性非常之低,白鴿仔出賣既係當初08年既選舉承諾,公社兩黨呢兩日既發言有講過,既守唔到2012既承諾,但至少要有時間表,而家人大話2017/2020有普選但係就死都唔肯白字黑字寫入方案,令人難以理解,好似1男1女,女既要結婚先同佢一生一世,男既話我係愛唔需要簽結婚證書一樣,路線圖係底線但而家結果係無左,變左係個女人比話年紀大,生左仔,住埋先同佢總有一早會結婚一樣

http://hk.news.yahoo.com/article/100625/4/iuag.html

[ 本帖最後由 fai84 於 25-6-2010 14:01 編輯 ]

fai84

如果你話有幾多人唔係為利益, 我可以答你無!
為搵一口飯食都係為利益,做義工都係一種利益,不記名捐錢都係利益
但係要利益同時取決於,有幾大,你得到利益有幾多人受害,有幾多人受益,有咩人受害,有咩人受益,如果係要套落個3條友度,我唔打算打出黎,因為因素太多,至少過千字,
但我個人觀察而言,以長毛為例子,呢條友野心大過希特勒,想影響世世代代,將個人認識既公平,人權普世價值比到任何人,但係佢唔得!而且佢無咁長命
而家佢追求既短期目標野心,佢成日掛響口邊"結束單元化,讓人有選擇權,"你可能話佢發夢,吹水作大,但係咪當SET高D條線比自己追下LAW,好似見工都要寫高D人工比人壓價時有灣轉,
我個人覺得,唔知你讚唔讚同,你謀你既利益,都比多D人賺下,長毛做議員咁耐,你一定認為佢搵唔少,收埋唔少,但係除左人工,佢仲有邊一個人科水比佢,我聼過有人答我,"唔知咩人會比錢佢,總之一定有",但佢又有咩本錢呢?你話佢議員人工都唔少LA,溝鬼妹,菬老蘭,但除左雜誌影左個次之外仲有無人見過,如果有點解D報紙唔日日同佢無限放大?
人工高?維基都可能錯"梁國雄當立法會議員每月65000元薪水，其近5萬元用來成立一個基金，例如為民間電台打官司、四五行動、示威、保釣等，餘下來萬元作生活費，居住公屋。"
要話D錢最後都係落佢袋;無錯佢仲駛埋比你睇   "2007年，梁國雄用自己掏錢去就竊聽條例事件打官司，一直從高等法院打到終審法院，由敗訴打到勝訴，保障全港七百萬市民的私隱權""2009年，梁國雄為低工資打官司，但敗訴欠政府160萬訟訴費。";"2008年11月8日兩名在囚人士及梁國雄提出的司法覆核為在囚人士爭取獄中選舉權官司中勝訴。"
你亦都可以話佢為名"2005年，梁國雄、鄭經翰、陳偉業、陶君行反對領匯上市及房署賤賣資產，被指阻人打發達。"同埋今日比人既訐價
但係名又無錢又無咁佢一定謀自己心安理得,如果係政客古惑,仲有D野你唔知,咁我希望佢精D唔好自掏腰包幫人打官司,至少呃法援黎打

fai84

擲蕉一事,有兩點要講下,1.擲蕉無違反議事廳規則2.無犯規唔代表無問題,但一隻蕉激起千層浪,"黃毓民突然向曾蔭權站立的主席枱前一次過投擲三隻香蕉以示憤怒。而事後在2008年10月24日，特首終因民意的反對，表示「理性討論給感性反應蓋過」，而取消了資產審查。"成果比起無聲無色比人否決左好得多.有時出人意表既事會有 出人意表既結果,
爆粗起因:曾蔭權於2009年1月15日出席立法會行政長官答問大會中說出廣東粗口諧音：「我唔想同人『鳩噏』（在廣州話內是髒話）辯論！」令香港市民嘩然。
司徒先生既問題,用人地個病做人身攻擊目標,呢個係佢同司徒先生既私人問題,我想其他人加把口去點雙方咪更難落台,咁佢地居心又何在?至於人品方面,不打算理會,能力同人格唔可混為一談,如果強拉左一起只會壞了事情,比個例子你:邱吉爾生平,仲有長毛唔係一個死唔認錯既人,"立法會選舉落幕後，社民連黃毓民欲與公民黨修好，立即在點算選票期間，主動呼籲大家應不計以往仇怨，望冰釋前嫌，繼續合作，其後社民連「長毛」梁國雄還斟了一杯水給公民黨黨魁余若薇，以表善意。"當然當中都有不少利益
我無講話過利益是金錢,"做義工都係一種利益,不記名捐錢都係利益", 捐錢可以為名,義工可以自我滿足,都係利益,
權利，榮耀，這些不實在的東西你覺得佢地又得幾多,當然你可以答"唔知道,總之一定有",咁算唔算"莫雖有"?我都覺得總係,有正如我話"為搵一口飯食都係為利益"但個利益又有幾大呢?你可以查下2人身平資料

fai84

其實政治一向都唔講道德,如果要理解政客既道德,個尺度要放到好闊
道德係政治上型大多數都係用作,打壓對手既借口,因為呢D道德都係同工作表現無關
之前我提邱吉爾可能比較難明白,如果用克林頓,佢d醜聞,同埋搞經濟既成績,你會點選擇?
因為個人問題而廢棄其能力,會唔會好可惜?

fai84

竊聽條例事件打官司,司法覆核為在囚人士爭取獄中選舉權,為低工資打官司
呢d都係自發行為,而你問有咩能力?佢地唔係無能為力,佢地除左用盡佢地3票,都左右唔到而家政治既死局,唔係佢地唔做,唔肯做,過完民建聯都仲要過功能組別個關,至少佢地d票係傾向民生,仲有佢地製造到聲音,令更多人去了解自己既社會,用市民比壓力政府收回生果金要入息及資產審查,又有邊政黨做到?
佢地而家梗係咩都話同你爭取架...到佢地當權既時候...佢地可唔可以好似而家咁同阿爺頂到行呀?
你要假設佢地當權?而家佢地加埋區會議席,都係得5-6席,點當權? 你話佢當權已經好唔現實

fai84

原來你認為民生係等如派錢,你自己諗概念上錯左響邊
仲有而經濟唔係無得搞,經濟係好左,gpd係正數
如果你都覺得經濟唔好就證明左出左問題,點香港gpd高左,而你完全唔覺得,而且無受惠?3個人攪完民生,仲要攪經濟,佢有能力都無時間,香港搞經濟人才大有人在,有排都未輪到佢地,
佢地而家做緊既野就係唔面對現實?佢地而家響有限範圍,盡左努力,奇謀盡出,就係唔面對現實先咁用力,唔通話比你知現實唔可能,你就放手唔做?咁邊個敢破世界紀錄?
你個假設個可能性太低,結果無人可以肯定,亦無方法推論,
我可以解釋埋比你聼點解低,當權係要有立會29席以上先有可能,仲要未分開功能組別計算,如果要用埋分組點票制就更復雜,我簡單黎假設係普選60席,而家佢地d重點都成員加埋公民黨都無咁既人數,你個假設已經唔可能成立,
成日要話佢地無鬼用,但係點解又唔留意下有最大話事權,坐擁37席個一班呢?

fai84

我睇左YOUTUBE之後,明白多左D野,基本上件事係雙方對罵,而司徒先生個死穴唔係比人話癌上腦,而係長毛講左一D佢唔見得光既野,而D人就用"癌上腦"呢一詞無限放大,進行攻擊,
仲有要一個大男人響全世界前面道歉已經難,仲要係一個啱啱出賣完佢,再星佢一巴既人道歉,真係難上加難

fai84

佢地逢有索求, 等同攤大手板問屋企人挪錢, 唔俾佢就發難渣有咩分別

你呢個比喻我覺得有少少問題,我又打個比喻比你
一班老人家,拎緊十幾年都未曾檢討過既生果金,個3條友發難渣令到D老人家唔駛入息審查去拎生果金,我當佢地賺政治本錢,咁邊個係最大利息者?

fai84

咁我想問下,佢地挪左咩錢入自己袋,或挪左d錢去洗?