引用:
原帖由 GMA 於 21/6/2013 20:22 發表 
你有道理，但講緊食狗，你覺得無問題？
其實覺得食狗殘忍係一件好主觀既事, 點解大部人都覺得食狗殘忍?
最主要係因為大部人都係當佢寵物, 但其實豬、牛、羊、雞、鴨等既主要肉食都有人當佢係寵物, 咁我地又應唔應該食用佢地呢?
同樣地好多人覺得好可愛, 用黎做寵物既天竺鼠, 係南美洲係視為一種糧食, 咁我地又係咪可以就此斷定佢地唔啱?
我自己都好鍾意狗, 細個亦都有養開狗, 所以我係反對食狗的, 但無可否認食狗係中國大陸某d地區同韓國係一種文化, 我覺得問題已經唔係食定唔食, 而係缺乏監管。
係澳洲, 當地一d既土著一直都係以捕獵海龜為生, 澳洲政府係保護環境同保育文化之間, 只比某d人可以捕獵海龜同嚴格限制數量
假若將食狗合法化, 所有狗肉由政府監管既狗場負責提供同限制數量及中央屠宰, 禁止非法捕獵, 咁樣會唔會比一刀切唔准食更有效解決問題呢?
另外, 其實除左素食者之外, 我地都冇資格話食狗既人殘忍, 因為豬、牛、羊等屠宰既殘忍程度不比狗低, 只係你睇唔到而已......
http://www.youtube.com/watch?v=THIODWTqx5E
[
本帖最後由 jackieyue 於 22-6-2013 00:39 編輯 ]
