ohnavi

引用:

原帖由 loveless 於 19-11-2012 12:50 發表


其實, 有冇人親口對住你, 指住你, 話過你係港燦?
你睇傳媒資訊覺得被別人侮辱, 人云亦云下逐漸你選擇了用上侮辱別人去作為自己立場.

每個社會都會有人發出仇視訊息, 有的是潑婦罵街見識有限, 而有的是深謀遠 ...

極度讚同！！好在仲有較有思想的香港人

ohnavi

「新移民」，或所謂「蝗蟲」，甚至「共產黨」，近年就好似當年既「董建華」一樣，
成為一個可以將平時生活上所有不如意、不公平事件怪晒落佢頭上，
因為只要怪在他們頭上，網上便有成千上萬人支持你，為你吶喊，
果Ｄ自問從未試過甘有號召力者特別受用，自信將會因此無限量放大。
卻以為可以忽視了自己的無力、懶散，同不思進取，所有野只係阿爺的錯。

近年大陸新一代好多已是英文lock lock聲，不少更是外國留學回來，
好多人只著眼人地家底豐厚，又選擇性地忽視人地系劍橋哈佛都一樣要努力讀書。
特別係我公司請人時我見到Ｄ本地年青人果Ｄ狗屁不通求職信，
我就能看到其實係邊一部份人正在被人淘汰。

香港回歸內地已係不爭事實（都十幾年啦），做人日日怨不如充實下自己，
當你有能力選擇自己既生活圈子同態度，甚至可以真係親力親為去改變社會，
就吾需要再系網上吶喊同不滿了。
如果只係失敗者，就接受自己係失敗者既事實，好好生活就好了

[ 本帖最後由 ohnavi 於 19-11-2012 20:05 編輯 ]

ohnavi

多謝你師兄，其實我都係講從小長大所看到經歷到既野而已，
如果有Ｄ師兄吾認同小弟係可以接受的，
我吾會只講我自己相信既野而有人反對既就立即將人歸入敵對既陣營，
我所相信自由既模式就係甘。

大部份成功的人都係花好長時間好努力專注去做事，少部分係家底資源同背景。
我長大既年代有家底而出名既人吾多，一般人根本接觸吾到，
佢地等如天上既神仙一樣，所以對好多人黎講係一個夢。

今日既香港，多了一班上文化水平普遍比香港人低既內地人出現，
佢地講野大聲、吾排隊、隨地掉垃圾，甚至當街大小便，
其實以上內地人所做既野除左當街大便之外我一樣見好多香港人外國人做過，
最可恨既係佢地本來比我地差卻比我地有錢，黎一次香港所買既LV我地儲十年都買吾到。
點解吾得？邊個規定有錢佬一定有文化同講英文？
佢地等同以前Ｄ金山阿伯衣錦還鄉也文也武之麻。

記得我細個時年年都跟屋企返鄉下，每次都要拎好多物資返去，鄉下既親戚當時好窮的。
不過近十幾年佢地搞生意，現在佢地鄉下Ｄ樓同車多到你住吾晒渣吾切，
成日叫我地返去住下呀、咩都吾駛帶架，我聽落都牙癢癢又羨又妒架；
不過我知道佢地點發達，吾係天跌落黎，係過去十年真係好辛苦好辛苦捱出黎...

[ 本帖最後由 ohnavi 於 19-11-2012 19:50 編輯 ]

ohnavi

引用:

原帖由 loveless 於 19-11-2012 19:52 發表


有冇發覺一講道理就要打多好多字?
cheers mate

又真係喎師兄 ，
其實各人都有不同想法，都係抒發下者

ohnavi

其實當初知道要回歸祖國，就知道香港只有越來越PK，
風光的日子已不可能復再，加上現在大陸日漸強大，
基本上影響世界既威力可以大到無人有，所以無論點抗衡，
往往只能拖慢而不能改變，雖知對手有的是時間。

小弟講既失敗係指如果吾能夠用自己能力改變自己既生活條件及環境、規條 —
簡單卅膚淺Ｄ黎講：有錢。
做吾到既就只能忍受，如有能力便應盡早系未爛之前離開；

我有時都會幻想自己國家會像某Ｄ國家甘有真正改變命運既巨變，
不過就算係我相信都吾會從香港開始；
中國人最大問題係大部份時間只係顧自己，有五千年reference比我地參巧，
所以衰敗堀起再衰敗完全係有跡可尋。

總之一個政權如果非常不濟，總有一日會比時代巨輪取締，
我都幾相信我會見到呢一日，所以看誰長命咯。

ohnavi

引用:

原帖由 亞爾多 於 19-11-2012 21:12 發表

如果市民出聲,要求政府做野,又算唔算係有能力改變呢?
當然,政府聽唔聽係另一個問題啦

甘就要睇有幾多人出聲、出聲理據同對手有無因別人出聲就改既習慣了 ，
政府如會聽人民的話，必須是有懼怕人民既地方。

不過此post命題不在此，師兄我地都吾好太off了

ohnavi

其實求人不如求己，成功率相對較高也較實際

ohnavi

對，生活永遠行先，然後再說無限大理想
有想法吾係大晒，講無用，做吧！

ohnavi

引用:

原帖由 tf141 於 20-11-2012 02:01 發表


想進一步改善自己生活環境, 卻唔肯承擔風險

係啊師兄講得很對，
習慣性抱怨，卻從不主動出力去解決問題，
期望投訴後事件會自然跟循自己意識改變，
富香港特色的自由

搵吾到好工，從來只有進修一條路；
買吾到樓，做多份工洗少Ｄ錢慢慢儲夠為止；
條路從來都係甘，就算十年廿年前卅全世界都一樣，
吾比第度Ｄ人黎買就買得起嗎？香港人炒樓斐聲國際好耐了；
無樓果Ｄ當然吾高興，但有樓果Ｄ有人炒起又一樣好開心播。

又幾多人買apple野帶返華強去先達放黎賺錢？
其實肯高價買既人不就係所謂可惡的「強國人」嗎？
ok原來基本概念係甘：
我買左賣比你食中間果份就天經地義，
你自己黎買晒搞到我無得賺就梗係吾得咯。

既然我地要享有呢Ｄ所謂「經濟成果」，
就免不了要承受附帶既惡果，
就算某Ｄ師兄不屑卅不需要搞呢類勾當，
可惜身邊仍有好多人做緊，所以惡果最後依然會出現。
呢個版Ｄ師兄大部份都知美國係邪惡之首，
她從來吾駛講道理，但又如何？世界從來都只有強者同弱者。

都是果句：有能力，走；無能力，硬食，嘗試努力改變，
小弟都係吾講甘多了，總之祝各位開心過好每一天

[ 本帖最後由 ohnavi 於 20-11-2012 11:37 編輯 ]

ohnavi

小弟覺得師兄想東西有時太specific了，
無一個答案只能配一個問題，
每樣事物可能都有一千幾百種吾同解讀方法，
行為並不只有一種，反應也一樣，
完全看解讀者某程度既主觀因素。

如果我係一個待應，只要個客比錢，
理論上不論佢係外國人或是中國人我提供既服務都應該一樣的；
如果我吾鍾意別人系街度大聲講野同喧嘩，
理論上我去老蘭同灣仔時我都吾係幾鍾意Ｄ外國人的；
不過你話以上甘既標準有可能長work嗎?