有一個好消息,一個壞消息~!!
好消息係搵到阿二主人了, 因為佢最近比較忙所以咁遲先俾到相我~!!
......壞消息係阿三可能...不行了....因為我上個月帶佢回家時已經發現佢雙眼發炎, 身體比較虛弱, 大便又有血~經寵物店員話佢有病之下, 無奈地送咗佢去愛護動物協會, 起初愛護動物協會佢哋話佢身體正常, 要在義工那裡住一個月左右, 等佢身體強壯些, 就可以領養返佢, 咁我之後間中都有打電話去問吓情況, 佢哋話阿三在義工那裡養緊, 有咩消息會通知我~
前兩日我又再打去問啦, 佢哋話佢仲係義工那裡, 未返黎, 因為佢仲好細得五星期大, 要養多一個月先, 等佢兩個月大先可領養, 咁我諗住都ok啦, 知佢無事就安心了~!!
點知今日惡夢來了~!! 今天早上愛護動物協會打黎同我講, 話阿三身體一路都好弱, 發炎的雙眼已經腫到開唔到, 又唔食野,話唔想佢咁辛苦, 想俾佢安樂死, 問我得唔得, 咁我同佢講話想帶佢走, 帶佢去睇醫生得唔得, 跟住個員工話問吓醫生先, 轉頭再打返電話俾我, 過了一會, 個員工打返電話俾我, 同我講話醫生話唔得, 因為佢實在太虛弱了, 同我講話再試俾d藥佢, 再睇吓情況點, 過幾日再通知我, 之後我話我可唔可以去睇佢, 佢哋話佢在隔離病房, 唔方便俾我去睇佢~
現在都唔知點?? 唉~ 再一次感到無能為力........
[ 本帖最後由 嘉誠 於 10-7-2009 16:40 編輯 ]
