送俾CGF既單身一族
【本報訊】有摩登大妗姐之稱的結婚顧問歐蕙芳指出，近年中港通婚越趨普遍，男女雙方均屬高學歷一族，心高氣傲，港女北望神州選擇身家豐厚的內地優質型男；事業有成的港男則愛內地女子年輕貌美易追肯生仔，「而家都冇乜點分香港、內地，大家都係想多個選擇」。
作家韓寒迷倒港女
歐蕙芳表示，內地富二代男士學歷高、身家豐厚，正如早前訪港的年輕作家韓寒，吸引不少港女青睞，「而家啲人民幣水漲船高，唔少港女都北望神州。內地年輕才俊唔少嚟自上海、北京、廣州，有型又有錢，係港女心目中嘅『藍籌股』，好受佢哋歡迎。我而家都籌備緊搵內地男嚟香港相睇。」
歐蕙芳續稱，本港不少高學歷港男近年喜歡追求內地女性，「以前香港啲男人，人老冇錢先返內地娶老婆。今時今日，學歷高嘅單身港男覺得追港女好花時間，冇六、七年都追唔到，追到手，港女結咗婚又唔肯生仔，啲港男咪轉追內地女，佢哋又靚又年輕又肯生仔，慢則一年，快則幾個月就追到手」。
[ 本帖最後由 McDull 於 7-12-2010 00:25 編輯 ]
