[認真] 理想 vs 現實

兩年前, 小弟自中七畢業後,
就一直想考警察,
但係知道自己又肥, 體能又唔好,
所以想一心全職操體能,
但操左幾個月後,
女朋友話咁樣o向屋企白食白住唔好,
所以我就搵左一間則樓(建築工程設計公司)做文員,
至今已做左一年半...

我依一年內, 我由180磅操到150磅;
由一下引體都做唔到, 依家做到十下
keep住跑步, 做gym...
與此同時,我亦有進修有關室內設計o既課程(已完成)
我讀室內設計, 一來,係為左工作;
二來,係對設計有點興趣;
三來,為考唔到警察鋪路...
四來,我真係十分唔鍾意做文員! 對住文件好黑人憎!

講真...這一年半來,
一邊返工,
放工後又要去操,
令到我身心都好累,
唔想再咁撐落去....

上個月, 我終於去左考警察...
但係其實我對自己依然無信心...
覺得自己會考唔到...
引體同立定跳高都做到...
點知...10x10來回跑就慢左0.5秒...
所以fail左, 要今年9月先可以再考...

因為依件事, 我好唔開心,
但係我都好想再考多次,
我想現在辭左份工, 因為又返工, 又操真係好累...
所以我想用餘下的三個月全力去考,
我亦都剛剛報左考車, 同埋St. John 希望有幫助

但係上星期我遞信,
呃老世話我打算再讀書,
想做多一個月唔做,
老世心平氣和地同我講,
公司剛剛接到一個大project,
公司正正人手唔夠,
打算俾一部份室內設計項目叫我幫下手
而且學校都係9月先開學,
希望我可以留低做多兩個月,
依個係一個好難得o既實習機會
叫我再諗下先...
[ps: 但同時暗示文職工作我都要做埋...orz]

我好迷茫地返到屋企,
同呀媽傾, 希望可以俾點意見我
之前呀媽一向都好放手俾我自己選擇自己條路,
但係呀媽話我份人太直, 唔夠奸,
入警隊一定上唔到位,
而且我老世所講亦不無道理,
有咁o既實習機會好難得,
只要一路儲實習經驗, 就可以慢慢直上...
呀媽係最了解我o既人,
佢依句話令我更迷茫...


唉...
左手係由細到大的理想; 右手係好難得的機會...
真係唔知點選擇...

投票項目 ( 單選 ) 參與人數 60  

 

1.  辭工, 一心考警察	3 (5.00%)
2.  放棄理想, 一心做好室內設計	5 (8.33%)
3.  唔好辭工, 考到先算	51 (85.00%)
4.  其他	1 (1.67%)