你介意自己是替代者嗎?
又發覺起自己身邊d人際關系真係幾亂下...
事緣有四個人, 分別係我, c先生, t小姐同p小姐, 而四個人都係熟兼且有出開黎玩既
咁起上年年尾既時候, 兩位小姐同c先生都分別一直keep住曖曖昧昧既關系同動作...
不過t小姐就明確咁有同我講過佢係鍾意c先生既, 但p小姐就一直冇表過態...
終於有一日, p小姐就同我講左d關於c先生既事, 咁我由於同t小姐比較熟, 個心都係有d幫佢既
所以就叫佢"妳係就快啦...唔知p小姐再繼續落去會點諗同點做架"
結果我講完呢句之後自自然就好順理成章咁令c先生同t小姐行埋一齊啦...
場景一轉, 番到黎今時今日
因為佢個人問題, c先生要長期離開香港, 只可偶爾番黎
所以c先生同t小姐惟有維持一段long d既愛情直到而家
但近日發現p小姐近日發佈左d消息關於"唔想做第三者/ 既然你地愛得咁難捨難離, 咁反正未開始, 不如就由佢先結束"
雖然未確定係咪講緊另外兩個, 但佢明顯對c先生同t小姐既態度有睇得出既轉變
更重要既係, 佢轉而對我既態度同動作變得曖昧
唔在乎有(親密既)身體接觸/ 成日都會坐我隔黎/ 又成日挨埋黎咁/ 我同另一個fd做同一樣佢唔鍾意既野, 佢會好惡咁鬧佢但只會細細聲咁叫我唔好再講啦下
可能只係我想得太多太遠...
但 你 介意自己是替代者嗎?
[ 本帖最後由 匿名 於 21-7-2010 05:16 編輯 ]
