雖然聽日要考試, 不過心血來潮都係想更新下...
果一日之後...我都有keep住去睇菊小姐既blog
當時我覺得, 菊小姐對於我會咁做真係好出乎意料
唔開心之餘...當時既佢需要有人俾佢傾訴下
於是順理成章, O先生自自然然成為左最佳人選
我知道果日之後...
佢兩個有keep住出去玩, 出去食野, 出去行街...
或者只係出於不甘, 或者只係出於妒忌...
我決心要修補同菊小姐之間既關系
從某d途徑我得知菊小姐會起個幾月後去某間學校度考oral
我當時就plan好左要去等佢考完, 然後好好同佢講番到底點解會發生呢件事
諗到兩手空空咁去好似冇乜誠意...
於事就起果個月期間, 我學識左一樣野
我學識左點整士多啤梨布甸...
可能咁多位會覺得只係小事一樁
但我都依然經歷過三次失敗先終於成功...
終於, 到左行動果日
臨出門口前摺左八朵金沙玫瑰花放左上去...
因為上網睇話咁樣有代表對唔住之意...
原本就好哂時間...點知中途塞車...
一落車, 行到過去已經見到有一批考生岩岩考完行出黎
其中已經俾我搵到菊小姐, 好在岩岩趕得切...
見佢岩岩sd完msg想走咁既樣, 於事就衝左上去截住佢
記得當時佢見到我都好驚訝...
問佢有冇時間, 佢話有, 於事我同佢行去附近一間m記度坐低
沿途一句說話都冇講過...
到左, 坐低
菊小姐一問就問我個盒咩黎
我叫佢咪埋眼先, 估唔到佢又肯
於事快快趣趣拆開, 然後同佢講可以開眼啦...
佢一見到舊布甸都好愣然, 我同佢講
"試下啦, 雖然唔知妳會唔會鍾意, 不過我試過都幾好食架"
其實我一早已經知佢鍾意食士多啤梨之餘又鍾意食甜品...
起佢食下食下果陣, 我又同佢講...
"八朵玫瑰花花語係對唔住, 我知未必可以完全平息到妳既失望, 不過都希望妳接受啦..."
然後我就拎左個鐵扣仔一次過扎起哂咁送左俾佢了...
一盆布甸好快就食哂, 之後都開始有番野講
講下求先oral點呀, 講下近來點呀...等等等等
再傾多左陣菊小姐就話要番屋企了
然後我就送左佢去搭車, 一路都開始有講有笑
送完佢上車, 過左陣佢sd左個sms黎...
“都係要講多次, 多謝你=]”
我知道, 我的心機沒有白費
那一天, 在經歷了這麼多的波折後, 我和菊小姐的關系再次回到起點
待續
[ 本帖最後由 匿名 於 12-1-2010 01:52 編輯 ]
