大體上, 上面師兄都講左好多好建議, 我都出分力保育下…不過有點不同:
落場黎講:
首先要知道出黎打GAME, 大家都比左錢, 無咁多人會花時間去教新手。
套落打機黎講, 你係玩緊一個無教學模式, 一開波就PVP LV??老手既GAME.
OUTDOOR場好多時無乜全身遮擋, 新手唔熟地型, 作戰意識未成熟, 戰場資訊閱讀力低等, 容易造成走位錯誤或只係坐係到鬥射等比人圍, 交火時亦無位可走。 再加上鎗又唔夠人SET得好, 唔夠人打得遠同準, 最終成為活靶。一開場不久便中彈離場, 場場如是, 一天下來唔知自己做過乜, 打到叫無癮唔再玩既我都見唔少。
所以如果你從未接觸過WARGAME, 我建議你試打CQB先。
原因係CQB起步裝備要求相對打OUTDOOR為低; 輕便出行,無打OUTDOOR咁多野拎出街; 場比較易自己搭車或渣車去同走; CQB多數打單發, 靠走熟地圖去做繞背突擊相對會易做到一D, 新手比較易生存耐D同有成就感。加上交火距離多數 8-10米, 原裝馬記已可以勝任。
打多幾場吸收下經驗, 到日後唔玩或UPGRADE裝備轉打OUTDOOR都唔會有大問題。
CQB 裝備方面:
眼罩,面罩, 手套為必備(建議買個頭盔防撞到頭);
運動服或出街衫+波鞋即可, 唔洗一定要買軍服/VEST/BOOT (唯一問題係多數GAME打1J - 1.3J, 但交火距離近, 著厚D會無咁痛)
一支MAIN就得, 瞄到TARGET先開鎗, 一鎗兩匣都夠了, SPARE匣渣手或插褲袋, 鎗套,彈匣套,回收袋都慳返唔駛買.. 成本算低了
CQB MAIN方面:
CQB GAME 有時要求係GBB手鎗戰, 我自身經驗係熱門改件多既馬記手鎗為首選, 日後維修方便好多。
馬記MP7 GBB性能上也算是個好選擇。
買野方面:
廣華街D鋪大多無問題, 只要你習慣比人黑面或”答多你一句都唔想”既咀臉就得。
不過你新手多數好多野想問, EH_PPY既員工我覺得比較容易傾。
完.
[ 本帖最後由 GMG17 於 6-1-2017 12:03 編輯 ]
