真係好開心，又救番一條命！
呢個星期番夜更，一開工就有人入嚟報案室報案！
話說報案人同幾個朋友都收到「X」小姐嘅電話，
稱生活不開心，做人不快樂，同大家Say Goodbye !!
大家同心知不妙，四出找尋「X」小姐嘅下落，
揾極都揾唔到，「X」小姐嘅電話有時聽有時唔聽，
聽就有時大叫大喊，有時大笑大鬧，所以決定到警署報警！
我招呼佢哋坐底，便了解一吓事情嘅始末！
由於「X」小姐一路，用手電聯絡所以無法確定她的位置所在，
更無法確定她是否安全！
我已經用「Missing Person at Risk」牌頭， 通知全港警務人員留意！
又派人去她經常出入嘅地方揾，但這「足夠」嗎？揾得番都可能死咗！
所以我決定同「X」小姐傾電話，「X」小姐知道他朋友報警後就好快收咗線，
於是我哋再打電話，
「X」小姐係電話講：
「我無事……唔使你哋幫……你俾我瞓吓………瞓醒就無事！」
說話重覆，而慢及無重點，仲問非所答！
從佢嘅言語之間，我覺得佢已進入半昏迷狀態，佢連自己都唔知自己係邊度？
( 佢飲咗酒？食咗藥？自殺緊？燒炭？割脈？)
好多諗法，在我腦海勇現！我心諗一定要救番佢！
同佢傾咗十分鐘，終於揾到佢嘅 Touching point !
X ：「我無事……唔使你哋幫……你俾我瞓吓！」
我：「呢個世界你唔係乜都無，你仲有一班關心你嘅朋友，仲有你爸爸媽媽！」
X ：「你唔好呀………千其唔好話俾我呀爸呀媽知呀……….！」喊起來！
我：「好！………我唔話都得………你話俾我知你係邊先？…..」
X ：「我都唔知自己係邊…………我只知…………係……銅鑼灣！」
我：「你睜開眼…………睇吓你見到乜？」
X ：「房…係房到…………係床上面……………！」
我心諗，銅鑼灣！房及床上面，唔通係D酒店到？
我：「你睇吓床頭有無電話，有你就打999，我就知你位置！」
X ：「…………無電話…………！」
我：「係仲望到乜……………？」
X ：「………電視……………門…………！」
我：「你起身去開門，揾出面D人問吓你係邊！？」
X ：「………我全身無力………你俾我瞓吓………瞓醒就無事！」
我：「……唔得！………你唔合作我話俾你呀爸呀媽知架……！」我都幾惡吓！
之後我聽到佢電話，傳嚟一d身體移動嘅聲音！我相信佢郁緊！
X ：「………我真係無力………行唔到……….！」
我：「……唔得！你爬都爬到去門口，你唔合作我話俾你呀爸呀媽知架……！」
再等咗一陣又聽到一d身體移動嘅聲音！
X ：「…開………咗門……啦！……………無人………呀……！」
我：「你唔好瞓呀！……你見到乜呀………門上面有無房 Number !!」
突然……電話筒傳來一把中年女人聲：「…嘩………妳仲乜嘢呀………？」
我：「你俾個電話呀姐聽！」
中年女人聲：「喂……？」
我：「我係警察………係呢度係邊度？」
中年女人聲：「我呢度係灣仔X佳酒店 X02號房！」
我：「妳係邊個，個女仔而家點？」
中年女人：「我…我執房咋………我乜都唔知……佢成身…血呀………！仲暈咗添！」
我：「你睇住佢唔好走開，等警察同救護員上嚟為止！」
我就立刻通知灣仔台同白車台去上址救人！
之後灣仔D同事上去，揾到「X」小姐，送咗去急證室搶救！
經調查後証實為「企圖自殺」案件，無可疑！
「X」小姐是用
