引用:
原帖由 JBL 於 7-8-2018 12:15 發表 
馬文輝點同,根本無影響力既9up人物一個,佢組建既“香港民主自治黨”如同大部分激進組織一樣，組建之後迅速分裂。馬文輝也因為抨擊政府而受到黨內溫和派排擠。
當時，“香港民主自治黨”與其分裂出來的“香港工黨” ...
乜你咁睇得起姓陳果個, 講無影響力既9up人物一個, 馬文輝拍馬追唔上
馬文輝係先施太子爺, 學識廣博, 中英流暢, 係最早一批港人了解聯合國憲章及其功用, 並在港宣傳普世價值既人.
其人文筆了得, 關心社會, 歷任大堆公職. 佢人脈豐富, 香港民主自治黨成立時華洋能人雲集, 律師教師, 前港府官員, 前國民黨將軍紛紛加入支持.
佢推港獨個時代背景係聯合國成立不久, 世界各殖民地紛紛自決獨立，印度,巴基斯坦（1947）、緬甸,斯里蘭卡（1948）、馬來西亞（1957）、賽普路斯（1960）、新加坡（1959/63/65）、馬爾他（1964）、馬爾代夫（1965）,
而且英女王響國會演說中更明言「協助餘下殖民地的人民達至獨立或其自由選擇的主權地位」,
聲勢浩大, 當時香港政府都忌佢三分, 唔敢明顯打壓.
而早在民主自治黨成立之前, 馬文輝已透過各種小組織關注小販權益,言論自由與警權, 自61起已受政府高層注視監察,
後來多番在報紙撰文推動獨立, 亦能在63年成功註冊民主自治黨. 可見呢個英屬殖民地仍有少許胸襟和國際視野.
反觀依家陳浩天只係一介草民, 無朋無黨, 無錢無勢, 不單受各大報章傳媒封殺, 連註冊社團都唔俾, 去出席論壇都左封殺右阻撓.
對住一個弱少角色如臨大敵, 政府仲好意思向外號稱港人治港, 法治社會, 唔怕笑大人個口.
