話說上年9月, 有位朋友話屋企人有事, 想借5千, 咁佢講到咁我就2話不說當面借左俾佢, 不過用住太太d錢先, 因為當時一下子公司要用錢所以我放晒d錢入公司戶口

咁佢話一個月後還錢, 佢咁講我當然無問題啦, 好喇一個月過左, 兩個月過左, 跟住我知道佢有屋企人過左身, 咁算啦, 費事呢個時候問人地還錢啦, 果下我又唔係等錢洗...

直到09年農曆新年, 我一個仙都無, 無錢過年, 咁同我講佢就話還住3千俾我, 咁好過無啦

咁又到4月左右, 我同佢講我真係無錢, 可唔可以還埋果2千俾我, 咁佢當然話佢有佢難處啦

好喇, 到呢度

我想講做朋友真難

點解?

你有難果陣我2話不說立即科水, 到我唔掂果陣, 叫佢還錢好似仲慘過問佢借, 好衰唔衰又俾我知道當我叫佢還錢佢話唔掂果陣仲可以有錢買野食好野

我到依家都仲未踢爆佢, 我都覺得我太好人

衰人

算啦師兄~~~~小弟都曾識一個為$2000潛水換電話號碼既朋友(須然果時只係識咗2年)
d人一講$$$$就會原形畢露嫁啦~~~~~

最衰

我知佢有錢拎去賭波

大佬你搵皮幾兩皮野一個月, 好心你拿拿臨還埋俾我就算啦, 你一個月還一千我都唔介意, 咁大個人有d野心照啦

買件波衫幾舊, 打幾次邊爐又幾舊, 加加埋埋唔一千?好喇, 賭親唔一千都幾百啦, 加埋咁都無兩千還俾我?唔係嘛

我本來真係唔想講, 但係諗諗下, 條氣又唔順, 有時我想搵佢, 但係我自己覺得好似一搵佢就問佢還錢好衰, 咁但係有錢唔還邊個衰d?

我就唔知佢本人如果見到呢個post會點諗啦, 可能佢會話「你唔洗咁呀嘛, 我又無話唔還, 不過果下暫時未有姐」

有借有還上等人, 你有急事果陣問人借, 人地好心當你兄弟借俾你, 咁人地唔追你就係知你有難處, 咁好喇, 上年9月到依家6月, 大半年都有多喇

有心還ge就唔該自動自覺打返尼同我講話幾時還埋俾我啦

我知果幾千蚊係好小事, 但係我就覺得一來d錢唔係我ge, 係太太ge, 二來你有難處唔通我無?

唉.....

里安

十個有十一個都係

講到錢就第二個人......

alexl

我通常都唔會借錢比朋友, 借得就預左冇.  
我有時都唔明點解D人有工返要借一萬幾千, 平時真係 "月光族" 一D積蓄都冇.

衰人

皮幾兩皮野一個月都唔夠洗~~~~~

YSL

引用:

原帖由 一等兵 於 7-6-2009 00:04 發表
皮幾兩皮野一個月都唔夠洗~~~~~

樓主個朋友賭波.........皮幾兩皮邊夠賭

好在我唔賭

咦
如有雷同實屬巧合
我好似知道兩位事主係邊個咁喎?...
哎
或者平日樓主你太風光
好難令人覺得你等錢駛
咪拖住先囉

引用:

原帖由 Anonymous 於 7-6-2009 01:18 發表
咦
如有雷同實屬巧合
我好似知道兩位事主係邊個咁喎?...
哎
或者平日樓主你太風光
好難令人覺得你等錢駛
咪拖住先囉

我風光同佢還錢係兩回事

銀行夠錢多啦，佢試下唔還囉~

亞延

我個人比較均真....要還既我會講到明,心知你咩事既你都係得閒先俾返我囉.
老實講你都叫得佢做朋友你都知佢性格,借又借左出去你係債主你可以問佢點解仲咁富貴架,
如果佢唔服既,咁果個係你朋友??當識少個啦

有時d野又唔可以講得咁死

兄弟, 我在此仲叫你一聲兄弟, 即係我對你仲有祈望, 並且希望你唔會再一次令我失望

講句真心話丫, 果日你打俾我, 係意外, 我都無諗過你會打返俾我, 而我亦唔得閒同你傾太耐

由你同我講話屋企有時果下到我現兜兜o係條街拎cash俾你, 再你話要遲d先還到話俾551呀m900果d俾我抵押, 跟住我2話不說都話做兄弟ge野唔洗講咁多, 我一件野都無要過你, 最多話我係同你買

但係到左呢幾個月, 我都好唔掂, 由於我份人比較重情義, 所以我選擇等你自動打電話比我話我知會幾時還, 好可惜日子一日一日咁過, 足足幾個月了, 可能我見到只係你風光ge一面啦, 我自己就窮到又賣呢樣又賣果樣, 都未見你打俾我

我都係選擇o係度用匿名方式呻下, 並無開你真名丫

由此至終, 都係因為一份情同義, 而我相信識我ge都唔會覺得我無情無義

於8th june 09, 你sent一個sms俾我

Yr meaage received,
and wl try to settle yr payment asap

我希望你亦可能體諒我ge困難真係asap還埋果d尾數俾我, 唔該

再一次希望你唔會再一次令我失望

我諗我知樓主你係邊個同講緊邊件事, 由於我都唔想你位兄弟有個錯覺係你將佢既野周圍同人講. 我呢 d 作為夾心人, 有時想幫又唔知點幫, 最多都係提下你近排找過佢. 至於佢個人既消費習慣, 睇開 d 啦, 真係只可以話你借得俾人就唔好理人點駛, 我幫到你盡架喇, 講真我都窮到hihi所以少左出黎風花說月, 應該都慳唔少架喇. 所以你放心, 我覺得佢 send 得 sms 俾你就應該會還架喇, 可能前排一時唔記得左嗟.

BTW, 一等兵 c 兄真係出少句聲當幫忙好, 皮幾兩皮你估好多? 到你皮幾兩皮果陣一樣會有窮既時侯.

Lolanto

有時唔好為左「朋友」
而攪到自己飯都冇得食先得架

我都有D咁ge朋友，AD學生賭波賭到欠卡數，叫我幫佢還。大佬成皮卡數，咪等如我兩個月summer job人工。我都係學生，你無理由叫我幫你還ar ma?唔幫你就叫我問我D朋友借錢幫你還。咁咪即是我借。幫唔到你就反面。真係，唉~

m4devastator

講錢傷感情呀

陰公