而家啲細路真係.............
(轉貼)五名香港少年往深圳揼骨消遣，因不夠錢埋單，竟留一人在桑拿會所，由其餘四人出外打劫找數。四少年在東門攔途截劫一名女子，得手後逃走時，驚動附近保安員，將其中一名十六歲少年擒獲。內地警方根據線索，到桑拿會所再拘捕三名少年，現仍通緝一名在逃同黨下落，有少年被捕後坦言：「冇錢埋單咪搶咯！」
消息稱，前日凌晨一時許，一名女子途經羅湖區東門南路時，突然有四名少年走出攔截，聯手搶去她身上的財物，包括一隻手錶、一部手機及九張銀行卡。四名少年劫匪得手後逃走，遇劫女子高呼「搶劫」，附近一名保安員聽到，迅速上前追捕，將其中一名涉嫌搶劫的十六歲姓張少年擒獲，其餘三人則失去蹤影。
保安員將張送往南湖派出所，警方翻查劫案現場一帶的閉路電視片段，再盤問少年，根據資料，隨即派員前往一間桑拿會所調查，結果發現三名涉案少年同在會所內，於是將他們拘捕，另有一名涉案少年則仍然在逃。警方盤問調查後發現，張早前與四名友人由香港北上到深圳東門一家桑拿會所按摩，事後卻發覺五人身上不夠錢，只夠付一個人的錢，他們經商討後，決定留一人在會所，其餘四人出去搶劫。
張接受警方盤問時稱：「冇錢埋單咪搶咯！」又說：「原本預咗借到錢（埋單），點知借唔到。」另一名涉案少年則聲稱：「原本帶夠錢嘅，跟住只不過借咗錢畀一個friend（朋友）。佢遲啲先再畀我，所以先唔夠錢埋單！」
真係.........
五條友只夠一個人錢? 冇錢就唔好出嚟玩啦...........
冇錢比已經夠樣衰仲要走去搶女人野....
搶隻手錶手機同九張銀行卡又點找數呀?
冇錢兼冇腦,映衰晒香港人.........
真係唔死都冇用立即槍斃算啦...........
